صراع فى الروح

موضوع: صراع فى الروح الخميس أغسطس 20, 2009 11:55 am

[b]صراع فى الروح
......................
بتصارع نفسك وتعافر
أوجاع الروح
تنهار وتقوم
على نص يوميه؛ ونص رغيف
طب ليه اتهديت؟!!
لونك مخطوف
تحويشة كل سنين عرقك ؛وشقاك
مش جايبه علاج البنت
وسريرمستشفي استثماري
محتاج لفلوس
طب ابيع اللحم اللي ورايا
مستني القوت؟!!
ولا احسن اسيب البنت تموت
طب فين الأم؟!
والخدمه اللى انا أدتها عشان تتحرر
طب فين الدم اللى انا دايماً
بتبرع بيه
والدم اللى فى سينا اتبعتر
لو كات البنت دي بنت سمين
كانت سافرت واتعالجت بره .
..................................

[/b]

هى مشكلة ثمانين فى المائة من سكان مصر
ما تحدثت عنه شاعرنا الكبير
قصيدة تمس الواقع و تعزف على أوتاره
فوصلت
شكرا لروعتك
أخوك

الاستاذ الشاعر الكبير
عبد القادر النجيلى
هذه القصيده والتى كتبت من قبل شاعر له
هذه الانسانيه لابد وان تخرج بهذه الروعه
الام يا سيدى لا تعبأ بما يحدث ونسيت التضحيه
والبذل من قبل اولادها واصبحت تعتنى بأولاد
{ السمان } فقط .
لنا الله يا اخى ولمصر .. ودمت كبيراّ وعطاءاّ
وتقبل كل الود والتقدير ...

الاستاذ..القدير عبد القادر النجيلى

الله الله الله عليك

تسلم أيديك

ويسلم قلمك الرائع ومواضيعك الشيقه البنائه

دمت ودامت روعتك

ايها القدير قدرا ومقاما

ملحوظه
تثبت القصيدة بواسطتى لروعة الحرف

[b] afro

أخى العزيز عاطف الجندى
اشكر مرورك على النص..
المشكله مش فى الثمانين فى المائة من سكان مصر
ولكن المشكله فى الأبطال المنسين
والحقيقين اللى مسحوا العار والذل
من على جبين هذه الأم كما قال أخى الأستاذ عادل سند..

الأستاذه عزة الزرقانى
اشكرك على المرور
مش عارف اقولك ايه والله
طوقتينى بجميلك..
اشكرك على التثبيت

الأستاذ الحبيب / عادل سند
إن صح القول ..
هذه القصيدة قُرأت من قِبل شاعر كبير
ومتلقى واعى يّعى مايقراء جيداً
اشكرك ياحبيبى على هذا التحليل الموجز
كل عام وانتم جميعاً بخير ورمضان كريم
ملحوظه
أنا طلبت من عم السيد الخشاب رقم المحمول بتاعك
بس الظاهر فى رقم غلط..كل ماطلبك..
يقول الهاتف تأكد من هذا الرقم..

حبيب قلبى
عبده النجيلى
رقمى هو
0122692936
وكل عام وانت والاسره الكريمه بكل الخير ...

الاستاذ عبد القادر النجيلى

لقد جسدت واقع مرير نحياه

ونرجوا

العفو والمغفره من عند الله

تقبل مرورى ومودتى

الأستاذة هناء
اشكرك على المرور من هذه البوابه
ربنا يتقبل منا ومنكِ الصيام والقيام والدعاء

إلى الشاعر الرائع إنسانيا وشعِراً / عبده النجيلى

أطلقت صرخة مكتومة فى صدور من لايملكون ثمن الدواء ... وأجر الطبيب

حتى للعلاج فى مستشفى حكومى . وإن وجدوا الدواء فهوفاسد لا يشفى

ولا يغنى من جوع . حتى ما أسموها بقرارات العلاج على حساب الدولة

أستولى عليها من يملكون زمام الدولة نفسها . للفقير الموت ولمصر البقاء

و لنا الله

وداد الهـــــــــــــوارى

اشكرك استاذة وداد على حسن استقبالك للنص
وعلى مرورك الكريم..
نعم للفقير الموت ولمصر البقاء..ولنا الله
كل عام وانتِ والأسره الكريمه بخير
ربنا يتقبل منا ومنكِ الصيام والصلاه وصالح الأعمال

» صراع
» صراع في غيب التكوين
» يا نبض الروح
» عرق الروح
» صراع .. لا مؤاخذة .. الديوك