رفض ناقض للوضوء

رفض ناقض للوضوء *1
ادى ضهرك للو جود
واغزل التفاهات سرير
تفرد الأحلام عليه
فضي عقلك
من كل أفكار السياسة
المٌخنقه
صفى فكرك مرتين
مره من كل الظنون
والتانيه من كل الحقايق
و ماتفتكرش إلا حقيقة واحده
هيا انك مش هنا
ف مهوش صحيح إن
الدماغ تقدر تشيل
م الفكر حملك مرتين
ولا هوش صحيح إن النافوخ
ف اللحظة دى
قادر يجمّع حسبه واحده
متكونة ف رقمين
ف ليه بقى
حابب تكون عيل غبي
ف وسط عصر العولمة ؟
اللحظة ديا لحظه نادرة
اكمنها
عمرك ما تلقى زيّها
اللحظة دى
نوبة ضياع
بتلاقي كل الامبيرات *2
راكنة عند المبتدى
ع الحد صفر
ف بلاش ترقّد ف الدماغ
بيضه ب تفقس كل يوم
تعبان مصارف
يفضل يعض ف لحظتك
يقلبها نور
ف تبان حقايق
انتا نفسك مش عارفها
وتختفي اللحظة السعيدة
من الدماغ
خليك محلّك ف الفراغ
واثبت على ضع السكون
وإذا كان جنانك
هان عليك
يبقى أكيد راح يجى يوم
والعقل برضوا عليك
يهون
وان حد جالك
بعد خمسه وحب
يرغى ف السياسة
والاقتصاد
أو حتى ف الحكم المحلى
للقطاع
ولا ف قضايا النزاع
ضد صناع السلام
صدّر الحته الطرية
تحت ضهرك
_ مش ها فسر _
يطلع الرفض يجلجل
ويا ريحه مقرفه
ف يطير أخينا ف الهوا
ويعم من تانى السلام
وتستريح ف الفضا
وتمد رجلك للنجوم
وأيديك تزغزغ ف القمر
وقوام...... تنام
ومش قضيه
بكره هاتيجى
ميتك *3
تتوضى تانى
للصلاة

*1: هذه القصيدة عمريه _اى من داخل عمرو _ خالصة مخلّصه لا تشوبها شبهه اقتباس لا في بيت ولا شطره ولا حتى فكره .
*2 : الامبيرات هي العدادات الموجودة ف السيارة أو في اى جهاز له عداد وهى تعنى مؤشر العداد.
*3 : ميتك : وتعنى هنا مياه خاصة بك وليست أمواتك.

الرائع عمرو شاهين

شرفت بالمرور الاول على رائعتك

تسلم وسلم قلمك الرائع

ملحوظه تثبت القصيدة

بواسطتى

[b] afro

الابن الغالى الشاعر
عمرو شاهين
قصيده جميله كعادتك وابدعت هذه المره
فى استخدام مفردات جديده ووظفتها جيداّ
لخدمة القصيده وخصوصاّ :
{ الحته الطريه اللى فى تحت القصيده }
وانا لاحظت اكثر من شيء فى هذا العمل
اولاّ : وضعت صوره تبعد كل البعد عن شخصية
عمرو الذى نعرفه . مع اعلان مدفوع الاجر لسفن آب
ثانياّ : لماذا تتوسم فينا الغباء ؟
وتضع معانى المفردات فى اسفل القصيده
احنا مش للدرجه دى يا عمرو . ولا انت شايف ايه ؟
هههههههه

الشاعره الكبيره الراقيه الرقيقه /
الاستاذه / عزه الزرقانى
الشرف الدائم لى انا بمجرد مرورك على القصيده
سلمت لى تعليقاتك الرقيقه
وتثبيت اتمنى ان استحقه ف مشكوره عليه ايما الشكر
تقبلى فائق احترامى وتقديرى
دمتى بكل خير

استاذى الغالى/ عادل عوض سند
طب يعنى ارد بايه
فعلا انا غير كده
اما بالنسبه للاعلان فبلاش نتكلم علشان الضرايب بتتنشق على شلن الدوله ضربت تفليسه يا استاذى
ثانيا ده كلام بس لان الشعر العامى ممكن استخدم الفاظ لهجه مكان مش موجوده ف مكان تانى
لمجرد انى عايز اريحكم شويه وان المعنى يبقى مظبوط ويوصل المعنى كامل
مرورك الغالى يزيدنى نورا
وتعليقك يحرجنى كثيرا
تقبل فائق احترامى وتقديرى واعزازى
دمت بكل خير

والله انت شاعر جميل
والحب ده من عند الله
ومعلش انا حابلغ الضرايب
بس المشكله
مش عارف عنوانك .

استاذ عادل
دى صورتى من يومين بس

الشاعر القوي ( عمرو شاهين ) استفزني العنوان فانسقت وراءه فوجدتني غارقا في شعر ما أروعه ذهنٌ نقيٌ ومعجم ثريٌ وخيال عبقريٌ ...

اقتباس :

ادى ضهرك للو جود
واغزل التفاهات سرير
تفرد الأحلام عليه
فضي عقلك
من كل أفكار السياسة
المٌخنقه
صفى فكرك مرتين
مره من كل الظنون
والتانيه من كل الحقايق

منتهى اللامبالاة رفض وثورة
ما أبدعك أيها العبقري
تقبل مروري

أستاذ عمرو
قصيدة هايله
و شعر جميل
بجد
الله يكرمك يا شاعر

يا عمرو باشا

النص اكثر من رائع واكثر من معبر وفعلا صوره جديده خاصه بعمرو فقط يعنى بالفعل نص

عُمرى بجد لايق عليك تسلم ايديك وعينيك

afro

عمرو شاهين كتب:

[center][color=red]رفض ناقض للوضوء *1
arkblue

صفى فكرك مرتين
مره من كل الظنون
والتانيه من كل الحقايق
و ماتفتكرش
إلا حقيقة واحده

هيا انك مش هنا ( مغيَّب )
ـــــــــــــــــــــــ
ف مهوش صحيح إن
الدماغ تقدر تشيل
م الفكر حملك مرتين
ولا هوش صحيح إن النافوخ
ف اللحظة دى
قادر يجمّع حسبه واحده
متكونة ف رقمين (كسر )
ف ليه بقى
حابب تكون عيل غبي
ف وسط عصر العولمة ؟
اللحظة ديا لحظه نادرة
اكمنها
عمرك ما تلقى زيّها

اللحظة دى
نوبة ضياع ( قضية الإدمان )
ــــــــــــــــــ
بتلاقي كل الامبيرات *2
راكنة عند المبتدى
ع الحد صفر
ف بلاش ترقّد ف الدماغ
بيضه ب تفقس كل يوم
تعبان مصارف
يفضل يعض ف لحظتك
يقلبها نور
ف تبان حقايق
انتا نفسك مش عارفها
وتختفي اللحظة السعيدة
من الدماغ
خليك محلّك ف الفراغ
واثبت على ضع السكون أعتقد أنها ( واثبت على وضع السكون )
وإذا كان جنانك .......
هان عليك
يبقى أكيد راح يجى يوم ( رائـــــــــــــع )
والعقل برضوا عليك
يهون
وان حد جالك
بعد خمسه وحب
يرغى ف السياسة
والاقتصاد
أو حتى ف الحكم المحلى
للقطاع
ولا ف قضايا النزاع كسر
ضد صناع السلام
صدّر الحته الطرية
تحت ضهرك
_ مش ها فسر _
يطلع الرفض يجلجل
ويا ريحه مقرفه
_____________

*1: هذه القصيدة عمريه _اى من داخل عمرو _ خالصة مخلّصه لا تشوبها شبهه اقتباس لا في بيت ولا شطره ولا حتى فكره .
*2 : الامبيرات هي العدادات الموجودة ف السيارة أو في اى جهاز له عداد وهى تعنى مؤشر العداد.
*3 : ميتك : وتعنى هنا مياه خاصة بك وليست أمواتك.

لماذا يتمنى الشباب .. الغياب عن الوعى

بالإدمان ؟

هل تسعى إلى التغييب للهروب من الحقائق ؟

هل هذا هوالحل .. أن تعيش مغيبا ؟

الشعر هو أن تكون جميلاَ لترى الوجود جميلا

فأين الجما ل فى إستعمال المفردات المقززة

رغم قضية النص التى تعالجها بجدية ووعى

إلا أن بعض المفردات لم تعجبنى خاصة ما تعمدت

أن تدرجها بشكل منفر .

ياعزيزى الشاعر المُجيد يامن يمتلك أدواته .. العامية

ليست لغة مصارف . أنها أبدع لهجة يمكن أن تُسمع

وُتغنى خاصة العامية المصرية .

وعلى فكرة عندك خلل فى بعض الأبيات أرجو أن تعيد نظر
من جديد

وداد الهـــــــــوارى

بصراحةيا أستاذ عمر كل مرة فى جديد وأبداع أعمق من ذى قبل وعندما قلت أنك متميز لم أبالغ ومن الواضح أيضا أنك قارىء جيد للعديد من الفروع المختلفة وأنا شخصيا بدرس كتابتك وأسلوبك المتميز كمدرسة خاصة بك وحدك لكى أبدع أكثر وأتعلم ونتمنى رؤيتك فى ندوات الوسط الأدبى لأنك ظاهرة لابد وضعها فى الأعتبار

بجد يا استاذ عمرو جميل اوى كلامك
كل سنه وحضرتك طيب

الاستاذه / وداد الهوارى
مش عارف ليه ؟ ظلمانى
انا لا اتمنى ان اعيش مغيب ؟ واعتقد ان ما كتبته سابقا كان شاهدا على هذا
ثانيا اذا هربت من الحقائق كيف ساكتب والى من ساذهب الى الهواجس لا اعتقد الانسان الواقعى
لا يلجاء الى الهواجس وانا مع الاسف واقعى
ثالثا انا لا اعيش مغيبا لاننى واع ومتابع ومناقش ومحلل لكل ماحولى كيف اغيب عن ما انا مغروسا فيه حتى النخاع
رابعا اعتزر اذا كانت الفاظى قد جرحت مشاعرك او ذهبت بكى الى التقزز فهذا غير مقصود بالمره ولكن سؤال ( اين ما اكتب ومما يقال ) واذا كان هدف الفنان عموما انا يصل بما يريد للناس اجمعين وان يرفع الذوق العام الذى نعانى من انحداره فلابد ان - من وجهه نظرى - ننزل اليهم ونصعد بهم لا انا نخاطبهم من برج عاجى
خامسا خلل الابيات سيختفى بمجرد سماع القصيده ارجو الا يكون قد اختلط الفظ عليكى
سادسا اعترض العاميه المصريه ليست لهجه ولكنها - وانا متفق مع الشاعر احمد فؤاد نجم ف هذا - انها لغه مستقله بذاتها
استاذه وداد الهوارى قد تكونين على صواب وقد اكون على صواب هنا وجهتان نظر كلاهما يحتمل الصواب وكلاهما يحتمل الخطاء _كما قال الامام الشافعى (( رأيى صواب ويحتمل الخطأ ورأى غير خطأ ويحتمل الصواب )) - كما ان الختلاف ف الرأى لايفسد للود قضيه
استاذتى الشاعره اطلب منك مجددا اعاده قراه النص لعل وعسى
مع اننى اعرف انا كتبتيه قد خرج من نتاج قرائه جيده وواعيه ومتعمقه (ارجوا هذا )
و فى نهايه الامر هذه حريه ( رب امر كان حلو عند عمرو هو قبح عند زيد )
واخيرا شاكر مرورك الكريم الغالى
تقبلى فائق احترامى وتقديرى

استاذه سحر العيون
كل سنه وحضرتك طيبه
والله تعليقك هوا اللى اجمل
تقبلى فائق احترامى وتقديرى
دمتى بكل خير

الاستاذه هناء السعيد
مرورك يطربنى ويشجينى
واهم حاجه البصمه الخاصه الاختلاف ف الفكره واسلوب الطرح والالفاظ
سلمت يداكى وقلمك
تقبلى فائق احترامى وتقديرى
دمتى بكل خير

القطه السوداء
اكرمك الله على ما كتبتى
تعليق رقيق
تقبلى فائق احترامى وتقديرى
دمتى بكل خير

الاستاذ/ ابو القوافى
لا تعلم كم اسعدنى مرورك
اتمنى ان اراك دائما ف اعمالى البسيطه
اما بالنسبه لكل هذا الكم من المجاملات الرقيقه
فاتمنى ان اكون كذلك
تقبل فائق احترامى وتقديرى
دمت بكل خير

الاستاذه رشا فؤاد
اعتقد ان هناك نوع من المجامله الواضحه فيما تقولين
اين انا واين اصحاب المدارس
اين انا من كونى ظاهره
انا مخربشاتى بالقلم
بالنسبه للندوات ف دى حسب التساهيل
تعليقك غالى جدا بالنسبه ليا
تقبلى فائق احترامى وتقديرى
دمتى بكل خير

عمرو شاهين كتب:

الاستاذه / وداد الهوارى
مش عارف ليه ؟ ظلمانى
انا لا اتمنى ان اعيش مغيب ؟ واعتقد ان ما كتبته سابقا كان شاهدا على هذا
ثانيا اذا هربت من الحقائق كيف ساكتب والى من ساذهب الى الهواجس لا اعتقد الانسان الواقعى
لا يلجاء الى الهواجس وانا مع الاسف واقعى
ثالثا انا لا اعيش مغيبا لاننى واع ومتابع ومناقش ومحلل لكل ماحولى كيف اغيب عن ما انا مغروسا فيه حتى النخاع
رابعا اعتزر اذا كانت الفاظى قد جرحت مشاعرك او ذهبت بكى الى التقزز فهذا غير مقصود بالمره ولكن سؤال ( اين ما اكتب ومما يقال ) واذا كان هدف الفنان عموما انا يصل بما يريد للناس اجمعين وان يرفع الذوق العام الذى نعانى من انحداره فلابد ان - من وجهه نظرى - ننزل اليهم ونصعد بهم لا انا نخاطبهم من برج عاجى
خامسا خلل الابيات سيختفى بمجرد سماع القصيده ارجو الا يكون قد اختلط الفظ عليكى
سادسا اعترض العاميه المصريه ليست لهجه ولكنها - وانا متفق مع الشاعر احمد فؤاد نجم ف هذا - انها لغه مستقله بذاتها
استاذه وداد الهوارى قد تكونين على صواب وقد اكون على صواب هنا وجهتان نظر كلاهما يحتمل الصواب وكلاهما يحتمل الخطاء _كما قال الامام الشافعى (( رأيى صواب ويحتمل الخطأ ورأى غير خطأ ويحتمل الصواب )) - كما ان الختلاف ف الرأى لايفسد للود قضيه
استاذتى الشاعره اطلب منك مجددا اعاده قراه النص لعل وعسى
مع اننى اعرف انا كتبتيه قد خرج من نتاج قرائه جيده وواعيه ومتعمقه (ارجوا هذا )
و فى نهايه الامر هذه حريه ( رب امر كان حلو عند عمرو هو قبح عند زيد )
واخيرا شاكر مرورك الكريم الغالى
تقبلى فائق احترامى وتقديرى

الشاعر المبدع / عمرو شاهين

إذا عدت مرة أخرى لما كتبت لك فى التعليق على القصيدة ستجدنى أقول عنك أنك تفجر

قضية الأدمان و تناقشها وكونى وجهت إليك الخطاب فليس معنى هذا أنى أتهمك بهذا

ولكن لكونك كاتب النص ، وهذا أسلوب فى الكتابة والتعليق .

كما وضعت ملحوظة (رائع) . بجانب الشطرة التى تفوقت بها على نفسك فى المعنى

أى أننى أعلم كما وصفتك أنك شاعر يمتلك أدواته وأعلم أيضاً أن أمامك الكثير لتجتهد

وأما مقولتك التى عشنا مائة سنة نسمعها أن ( الشاعر لابد أن ينزل للمتلقى ثم يرفعه إلى

مستواه فهذا يحمل معنى آخــــــر غير ما فعلت أنت . هذا يعنى أن تبسط له المعنى

وتتكلم بلسانه البسيط نوعاً ما وأن تكون قضيته هى قضيتك فتعرضها على الرأى العام

وتدافع عنها و لا تدخل به فى التغريب معنى و مفردات ... وحتى إن إستخدمت

مفردات رجل الشارع أو العشوائيات .. أنت هنا مكَّلف أن ترفع مستوى الذوق

العام كشاعر .. بعد أن تلوثت أذاننا وأبصارنا من كل ماهو ( مقرف )

أما ما قاله عمنا " أحمد فؤاد نجم " وتوافق عليه بأن اللهجة المصرية هى لغة

قائمة بذاتها هذا رأى ... ورغم أننى شاعرة عامية أقول أنه رأى غير صحيح

فهناك لغة وأخرى لهجــــــة واللغة الأم هنا هى لغة القرآن اللغة العربية الفصحى

آما العامية فهى لهجتنا القوية الرائعة المنتشرة فى كل الدنيا ولكنها ( لهجة )

أخيراً يا شاعرأ يعجبنى فى تناوله قضايا مهمة ولا يختار مفرداته جيداً أقول لك :

هناك شاعر يسمع فقط .. وتجد عنده خلل فى الوزن ولكن يداويه بحرفية الإلقاء

وهناك شاعر ُيقرأ ولا يعرف كيف يلقى قصيدته فيختل منه الوزن رغم سلامة

القصيدة وهناك الشاعر الذى يُسمع ، وُيقرأ ..... وأرجو أن تكون منهم

فليس لإستخدامك للزحافات لتمد ف الإلقاء يعنى أنها سليمة وأعيد هذا للأستاذ/

عادل سند كمشرف والخلاف لايفسد للود قضية وأساساً ليس هناك خلاف .

فقد طلبت رأى وهذا ما رأيت .

دمت مبدعاً

وداد الهوارى

الابن الغالى
عمرو شاهين
عندما يدخل على عملك شاعراّ او شاعره كبيره
لابد من شيئين تتخذهما :
اولاّ ان تتأكد تماماّ من ان النصح اساسه المحبه
والغيره الشعريه على اعمالك وإلا ما علقوا عليها
ثانياّ ان تتبع فى اسلوب الحوار مكانة من يتحدث اليك
وان كانت الاستاذه وداد بكل الحب والنصح قالت رأيها
فتأكد تماماّ انها على حق .
فأنت بدأت ببحر الرمل ثم الرجز ثم عدت للرمل ثم الرجز
مع استخدام الزحاف والخبن . وهذا لا يقلل من قيمة النص
الذى نحن بصدده . فتحريك ساكن وتسكين متحرك ليس بمشكله
ولكن بأذن الاستاذه وداد وهى تقرأ النص احست بهذا اثناء القراءه
وعرضته بكل الحب والنقاء لشعر ابن من ابناء هذا المنتدى .
واقل ما يجب ان يكون الرد على مستوى هذا النصح .
هذه كلمه كان لابد ان اسجلها احقاقاّ للحق .
وارجو الا يؤخذ كلامى على انه تأنيب . ولكن رد واجب عليّه
حتى تستقيم الامور . واعلم جيداّ ان ما حدث اساسه الحب والتصح .

يا عمرو ايه الحلاوة دي احنا غلطانين اصلا ان سبناك تروح من محكى العريش
أخوك أحمد شبل

الرائع عمروشاهين

تعلم جيدا مدى حبنا

واعجابنا بأعمالك الموضوعيه

المعالجه والاجتماعيه والحوارية

والكل يشهد لك بذالك وبالأخص الاستاذة وداد

وللعلم ياعمرو استاذة وداد مش بتدخل تعلق على أى نص

إلا إذا كان عاجبها شخصيا

و زى ما قولت ياعمرالكل له رأى

والرأى الاصح يسود

تحياتى وتقديرى لقلمك المبدع [b]

الاستاذان العزيزان/ عادل عوض سند والشاعره عزه الزرقانى
والله انا مش فاهم هو الموضوع كبر مره واحده ليه
انا عمرى ما اضايقت من نقد ولا ازعلت ولاحتى اخدت على خاطرى الفكره كلها
الاستاذه وداد الهوارى عرضت وجهه نظرها ف النص وانا رديت ليس الا
وده طبيعى والا هيجى منين التفاعل
انا مش عارف ليه الحوار خد سكه تانيه خالص
اعتقد انى وضحت فى ردى على الاستاذه وداد الهوارى انى عارف انها قرئت النص بعنايه فائقه
واتا بتتكلم من منطلق الغيره
وانا لو الاراء اللى ممكن تنقدى تزعلنى يبقى اقعد فى بيتنا ومعملش اى حاجه لان النقد وسيله من وسائل التعلم وانا قلت انا لسه بتعلم مش اكتر علشان كده مفيش اى حاجه من اللى توصل الموضوع لكده الاستاذه وداد قالت رايها بمنتهى المحبه والاخلاص لانها بتغير على شغلى وعايزانى اتقدم وابقى فى تطور احسن الى الامام وانا استوعبت ده بس كمان ردجيت لانه حقى ودافعت عن اللى كاتبه لان حق الابن على الاب انهخ يدافع عنه حتى لو كاتن مشوه او عنده عيب خلقى فليس ذنب النص ان الكاتب اخطاء مثلما ليس ذنب الابن المعاق ان الاب هو من اورثه الاعاقه
دى وجهات نظر ودى مناقشه انا سعيد جدا بيها
بس انا مش زعلان يا خلق بدليل انى بعلن عن عمل جديد اتمنى انه يحوز اعجاب الجميع مثل السابق
وبعدين النص ده ليه معزه خاصه لانه بامانه نجح ونجح اوى لان بقى فيه اختلاف عليه فيه مؤيد ومعارض ومحايد
بقى فيه نقاش
تحياتى وتقديرى للاساتذه الشعراء الذين تواجدوا فى هذا النص
واعتزارى لهم ( من يرى فيهم انا النص به اخطاء ) مع وعد بمحاوله تلافيها فى المحاولات القادمه
واعتزارى للاستاذه وداد الهوارى ولو انى انا مش عارف انا بعتزر على ايه يمكن علشان سببت لها نوع من انواع التقزز او نوع من انواع خيبه الامل فى واحد زى حلاتى كانت شايفه انه مستبعد يقع فى الاخطاء دى
تقبلوا فائق احترامى وتقديرى واعزازى
دمتوا بكل خير
ملحوظه ( محدش فكر يقولى كل سنه وانتا طيب بمناسه رمضان )
انا بقول كل سنه وكلكم طيبين ومتجمعين ومبدعين الى ابد الابدين

اخويا وحبيبى وعشره محكى
احمد باشا شبل والله انا اللى خسران انى سبت العريش وسبتك وسبت اسعد المالكى
بس اعمل ايه
احمد باشا اتاخرت كتير على يا ف الرد وده اول رد على مواضيعى
اتمنى انك تشوف الباقى كده وتاقولى رائيك
واحشنى جدا سلامى للاساتذه
تقبلى فائق احترامى وتقديرى
دمت بكل خير
وكل سنه وانت طيب