خــــــالـــــــــو

البنت : خالو ياخالو مالك كده زعلان مالدنيا ومتضايق من ايه
خالو ياخالو مالك كده مش طايق نفسك وبتنفخ من ايه
خالها : اه يانا واه يانا يادختــــى
والهى تعبت يابنت اختى
من حيرتى ومن قله بختى
مابدقش النوم
الحــظ معــاكس ومبـــــوز
وكبرت ومش عارف اتجوز
عــديت الـتــلاتـيــن وزياده
عايش مهموم
أخته ومامه الطفله :
طول عمرك منحوس ياخويا طول عمرك منحوس
ولا عـنــدك عـيـــل ولا تــيـل ولا حوشت فـلوس
خال البنت : ده انا غلبان وقليل الحـيــله
وانا نفسى فى عروسه جميله
وتايه فى الحياه
البنت : خالو ياخالو شفلك يلا عروسه جميله ويارب يهديـك
خالو ياخالو وتجيبلك نونو صغنونو يملا الدنيا عليك
خالها : اه يانا واه يانا ياهـــمى
ولو اتجوزت بنت عمى
هاتزهقنى وتحرق دمـى
وتسقينى الويل
ولا حد هايسكت على حالى
ولو اتجوزت بــنـــت خالى
هاتقوم فى انصاص الليالى
يحلالها الغسيل
اخته مامه البنت :
طول عمرك منحوس ياخويا طول عمرك منحوس
ويارب تــحــب وتتــجـوز قبل البيت مايــبـــــوز
خال البنت : ده انا خايف اجيب صاله واوضه
لا تكون مش حلوه على الموضه
وتبوز الحياه

جميل ما كتبت يا سامح
و لديك قدرة على كتابة الأوبريت الغنائى بطريقة جيدة
فالفكرة رائعة و الكتابة جميلة
و يمكن أن تغنى
خالص المودة لروعتك
أخوك

الله الله الله

مش بقول لك انت فلته

بجد ديلوج جميل

بمعنى الكلمه تحياتى وتقديرى لروعتك[b]

شكرآ ياجماعه والله
اخجلتم تواضعنا
شكرآ للاستاذ الكبير
عاطف الجندى
والفنانه القديره
عزه الزرقانى
بحبكم

الفصيح معبر اكثر اخ سامح من وجهة نظرى لأنه بيوصل للعرب كلهم
و لا مانع من العامية و خصوصا المصرية
لكن سيبقى الفصيح فى القمة

عمو سامح جميلة قوى القصة الغنائية دى وسهلة كمان وفعلا بتحكى الواقع اللى الشباب عايشينه

ميرسى ياقلبى
يااحلى اشرقت فى الدنيا
وبجد مبسوط جدا انها عجابتك