مساجلة عن شهر رمضان الكريم

عاطف الجندى كتب:: شهر واحد يا جماعة
بس حاجة متتنسيش
انتصارنا فيه علامه
و الهزايم .. لأ مفيش

[center]الهزايم يامه يامه
واليهود سايبين علامة
هوه فين راح جيش أسامة
الدموع ما بتنتهيش

[/center]

اهلا اهلا

اهلابيك

ضيف ومكرم

نحلم بيك

بتهل علينا تفرحنا

وتخلينا عاشقين لياليك

بتهل علينا

تفرحنا

و[b]

رمضان كريم

كل سنة وشاعرتنا الغالية بالف خير ودعوات للمولى ان يديم عليك السعادة فاذا كنا نتذكر رمضان دائما بالفنان الراحل عبدالمطلب الا انك بكلمات قليلة اسعدتينا بكلماتك عن رمضان عموما وفقك الله ودائما نقرا اعمالك القيمة
تقبلى تحياتى
ورمضان كريم

[size=24][center][b]

أبو القوافي كتب:

عاطف الجندى كتب:

[center][b] [size=24]شهر واحد يا جماعة
بس حاجة متتنسيش
انتصارنا فيه علامه
و الهزايم .. لأ مفيش

هى حاجه ما تتنسيش

فيها صلاه وزكاه وصوم

بدعى ربى يخليهولنا

كل يوم

حتى اكله

تمر بندق وقاراصيا

والكنافه والقطايف

والياميش

كله سكرمش محجر

زى دوم

[center]الهزايم يامه يامه
واليهود سايبين علامة
هوه فين راح جيش أسامة
الدموع ما بتنتهيش

الهزايم كات زمان

انهارده منه عشره

يومها كانت احلى

نصره

نصره مش ناسيه

جمالها

ح احكى عنها

اليوم وبكره

[/center][/b][/center][/size][/b][/center][/size]

ياهادى يامنان

بحق شهر كريم

نجينا م العصيان

ذودنا بالقرأن

والهمنا تقوانا[b]

ياشهر غفر ذنوب

يامطمن للقلوب

بطاعه للمحبوب

جياك وانا تايبه

متردنيش خايبه

يارب رب قلوب[b]

بناديك يارب الكون

بحق شهر الصوم

تغفر لنا يا غفور

يا خير يارحمه يانور

و احفظنى يا ربى

خفف لى من ذنبى

وكرمنى يا رزاق

عشقاك ومن قلبى

بتمنى أنول الرضا

يالى توكالى عليك

اكتب لى حج البيت

دى راحمتك واسعة

أطوف هناك واسعى

و أنور قلبى بيك

[b]

اهلا رمضان

شهر القرآن

يا شهرالنور

ويا الرحمات

أيامك حلوه بتتكون

من بس تلاته

من العشرات

أول عشره

جايبين رحمه

أما التانيه

فيها البشرى

عفو وغفران

أصل المولى

غفّار قهّار

وف اخر عشره

بنلاقى

رحمن باقى

يعتق م النار

غلطه منى مش حااعيدها
والصيام هادد كيانى
طيرت ف اجمل مساجله
بس عاطف جابها تانى

عبرة
********

يظل المسلم عبدا لنفسه بشهواتها ونزواتها طوال العام

و لا يتحرر منها ، و لايكون سيدا عليها الا فى شهر رمضان

كل عام وأنتم بألف خير

احسنت استاذى الفاضل

كل لحظة وحضرتك بخير وسلام

تلاتين أخ

ف تلاتين يوم

ع السفره معانا ومعزوم

والكل ح ياكل ويقوم

ويصلى يا شهر الصوم[b]

أسفة يا عزة للتأخير وباشكرك على المساجلة الجميلة دى جعلها الله فى ميزان حسناتك واسمحى لى أشترك معاكم
وكل عام وانتم جميعا بألف خير يارب

[color=red]رمضان يا شهر الصوم

مخلى الخير والبركة تدوم

رحمة ربى علينا جميعا

إننا نرأف بالمحروم

شهر وجالك يللا يا صايم

فرصة وجاتلك ما تضيعها

أيام بتعدى ف حياتك

لو فاتت مين ح يرجعها

ايوه ياسلوى والله صدقتى

ايام غاليه وما لها مثيل

ايامه كلها معدوده

والحسنات فيها بالكيل

فات نص الشهر في غمضة عين
والغمضة الثانية النص الثاني
ويجينا العيد وضميرنا حزين
والقدس بتنزف مابنلقى مداوي

طب أمتى حنفرح ونهلل
وضمير العالم بيضلل
وبينكر حق أسمه فلسطين
وإذا كنا نسينا أو فاكرين
مين راح نشكي ونشكي لمين
إلا لمالك يوم الدين
المنتقم الحق البارئ

رمضان يا اجمل ضيف

بتشرفنا وريحه خفيف

تخلى اللى مابيصلى يصلى

بعد فطاره يا دوب بيحللى

وينزل ع المسجد بالساعة

ويا جيرانه يصلو جماعة

وبيدعى على قد ما يقدر

إن شيطانه عليه ما يتشطر

وتعدى العشا والتراويح

وسعادته جواه ما تتقدر

و يا بخت اللى يتم صيامه

ويا صلاته وويا قيامه

طول الليل يقرا ف قرأنه

يخلى البركة تحل مكانه

أيوه يا بخته ان تم صيامه

صلى وزكى والليل قامه

صاحى وبيرتل قرآنه

ييجى العيد وهايبقا سعيد

زى الورد فى عز أوانه

مستعجل كدا ليه وبتجرى

وإيامك و بسرعة تعدى

أرجوك وحياتك

بقى هدى

خلينا نعيش باقى احلامك

ونحس بقربك وسلامك

يا غالى وأغلى ما عندى

استنى شويه عشان خاطرى

أنوارك دى بترفع قدرى

بدعى لك على مهلك خالص

دا وجودك بيفك لى كربى

جريت بسرعه قوام

يا شهر فيك لأحترام

سمه من سمة الكرام

والحب بيك والسلام

كل سنه وانتم طيبين

يا أغلى وأحلى الحلوين

عشرين يوم

يوم ورا يوم

مروا بسرعه

يا شهر الصوم

يا شهر وايام معدوده

وبعوده قريبه وبعوده

كم شهر ويرجع

رمضان

بعد صيامك

وصلاه وزكاه

ونقوم ليلك

نقرا القرآن

نتمنى وندعى

ان المولى

يبعت جوده

وننول الجنه

الموعوده

بفضل المنان

» مساجلة ( اللي اساء للنبي ) رجاء المشاركة حبا لنبينا الكريم
» 3 اغانى دينيه بمناسبه شهر رمضان الكريم
» بأجمل العبارات وارق الكلمات اهنئكم بقدوم شهر رمضان الكريم..
» مساجلة شعرية فهل من دخول ؟
» مساجلة شعر العامية