ميلاد على ضهر شهاده وفاه

ميلاد على ضهر شهادة وفاه
مفتتح

اقطعي أخر
خيوط الشرنقة
واخرجي بره التابوت
تلمحي لفحه أمل
تنفعك وقت السكوت
سكتت الأحلام
ما بينا .. والشجر
أصبح حفيفه
ف وضع صامت
و الهوا
نشّف دماغه
واتجه ناحية
فراغ
_ قلّبه دماغ _
صوره ولد
متشوشه
متفركشه
صورة ولد
لسه باقي من ملامحه
دمعتين
.........................
حلى رموز المسألة
رتبي شكل التاريخ
اعجني وقت الفرح
ويا الدموع
اخرجي بره
المكان
اكسري قيد الزمن
شرنقة زى
الرحم
وأن أوانك للمخاض
يالا اصرخي
هزي سقف الدنيا
ف الريح انفخي
يخرج العيل سليم
ماينفعشى
يكون اخرس
ماينفعشى
يكون تايه
ماينفعشى
يموت ب الحصبة
من بدري
ماينفعشى
مايرضعشى
نقط سرسوبك
الحلوة
ماينفعشى
يكون ظالم
مايقبلشى
يكون مظلوم
خارج لدنيتك
فارس
ولا يصحش
يكوم معدوم
فارس
وراضع الرحمة
من القسوة
ومن فرحك كاسات
المر بالزوفه
عشان يعرف
ف يوم يضحك
فارس
ها يقتل الغوله
ويمنع عنك الكوابيس
ها يصلب عم دراكولا *
وها يفقّع عنين إبليس
ها يوصل للسما
الرابعة
ويقطف منها
نجمايه
يجيبهالك
تكون ضيك
تكون ف العتمة
سهرايه
توصّفلك طريقه
منين
عشان يتلم تانى الشمل
........................
عشان نستطعم النسمة
عشان نتّسر ب الهدمه
لازم ننسى
سنين الخنقه
ف الكتمه
سنين المر والتعذيب
ليالي النوم على الإسفلت
ليالي التكتكة ف البرد
عشان نتبر ب اللقمة
لازم ننسى
ألام الجوع ف المعدة
ونظرتنا
عنينا لما ب تسبل
لفرخايه
ف شواية
بين البتارين
ونقرف لما نلحمها
ف ايد عيل من
الخو_________ات
......................................
ماينفعشى
يكون زيى
لا ينفع يكون زيك
ماينفعشى
يكون زيي كده متهان
ولا مدبوح ومتكتف
ولا ينفع يكون زيك
كده متباع
ولا تكية
ولاتركه
ولا يغمه
ولا نصابايه
أو ناصية
بيتلموا عليها كلاب
ماينفعشى يكون غيره
ماينفعشى يكون ضله
ولا يصحش نقول انه
ف ليل العتمة
ما لمحكيش
لازم بصره
يكون أقوى
من الطيار
عشان يقدر
يحدد هدفه بالسنتى
وينسف فينا مكاربنا
يجيلنا يهز مناكبنا
ف نخلص من كراكيبنا
ومن اللي يومها ركبنا
على حمارنا
و ب الشقلوب
ف جرّسنا
وكملها بقطع لسانا
خرّسنا
وخرّطنا
كما جزارايه
ف السلّطه
بكيف أمه
يقزقزنا
يا حلمي تعالى
خلّصنا
لكن عندي كده
ملحوظة ع الهامش
عشان يبقى الدوا
الموصوف
لازم نغسل
خلايا الكدب
من دمه
لازم نقتل
كرات الجبن
والتهجيص
لازم نكسر حصاوى
الذل والخسه
لازم طبعا
يكون حاوي
عشان يسلك
مع التعابين
ولو لدغه
ف يوم واحد
يكون ترياقه
من سمه
لكن برضوا
ف وسط
كتابتى حشوايه
ها قولها لك
ياخوفى الحلم يتحقق
ويطلع ف الفضا
فارس
وأخره يا حلوه
يتحول
يكون زيي من
الملاحيس

* فى الاساطير الرومانيه القديمه وخاصه مقاطعه ترانسيلفانيا قال ان دراكولا واتباعه يموتون اما بالثوم او غرس وتد فضى فى القلب او بالصليب

الشاعره الراقيه الرقيقه الاستاذه المشرفه / عزه الزرقانى
اولا : الشرف ليا لان مواضيعى البسيطه بتقدر تجذب نظرك وبتتكرمى بالتعليق عليها
ثانيا : احمد الله على انها نالت اعجابك
ثالثا والمهم : على فكره انا عمرى 22 سنه بس وبكره كلمه استاذ اكتر من العمى نفسه
ف اذا سمحتى بلاش الكلمه دى علشان انا مش قدها اصلا لسه بدرى عليا اوى على مابقى استاذ
تقبلى فائق احترامى وتقديرى
دمتى بكل خير
ملحوظه : مبروك على الاشراف - مره تانيه -

استاذى الغالى/ عادل عوض سند
اولا شاكر الاهتمام الذى هو ليس بغريب على اب عزيز واستاذ غالى
ثانيا انا شايف انى مش كل اللى انت قولته ده لا انا اصغر من كده مليون مره انا عامل زى ذره رمل بتحاول تكون زلطه
وانا بضوا فى الانتظار بس اتمنى لا يطول الانتظار لانى وكاعاده كل العصابيين امثالى لا نطيق الانتظار
تقبل فائق احترامى وتقديرى
دمت بكل خير

اخى الاكبر واستاذى العزيز الغالى /
الشاعر الراقى الرقيق/
الاستاذ/ عاطف الجندى
اذا حق القول لى فانا اعتبر هذا التعليق لهو وسام على صدرى وافخر به ويفخر به قلمى
بل دعنى اقول انه بمثابه شهاده ميلاد جديده فى هذا العالم الاخاذ عالم الشعر والادب
تقبل فائق احترامى وتقديرى واعزازى
دمت بكل خير

الاستاذه/ شيماء نور
مرور هو لاول من نوعه لسيادتك
تعليقك الغالى احسد عليه
وب التاكيد سادخل الى عالم الخواطر
وانا على قناعه تامه اننى ساجد ما يسرنى ويمتع عقلى وعينى من تركيبات جماليه وجمل متميزه
واتمنى انا ايضا ان اراك دائما فى اعمالى البسيطه
تقبلى فائق احترامى
دمتى بكل خير

الاستاذ / تامر محمود
غيابك طال على مواضيعيى
فعدت بتعليق رقيق ورائع
شاكر مرورك وتعليقك الغاليين
تقبل احترامى
دمت بكل خير

ملحوظه

تثبت القصيده بواسطتى

لروعة الحرف والمضمون

الشاعر القدير/ عمرو شاهين
الله عليك تحفه فنيه بكل المقايس
توهتنى وانا بقراها من جمالها
بجد روعه وفوق الروعه
يارب مزيد من التقدم
علشان تمتعنا بأعمالك
اللى ملهاش حل دى
دمت بكل الخير

من غير مجاماله هذا نص عامية من أروع ما قرأت ومن غير مجامله خاااالص عمرو تفوق على نفسه في نص مش ممكن الاسطوري والواقعي والسحري يمتزج باتلجناس والايقاع وصخب الصور المعبرة عمرو تعيش تعيش ياجااااااااااااااااااااااامد

الله ينور عليك جميله جدا ابدعت

حبيبى / عمرو
لأنى متعود معك على المصارحة فاسمح لى أن أقول مجرد رأى
لم أتعود منك إلا على الجديد
فلم تأت بجديد خصوصا المفتتح
وأظن أنك أثناء كتابة هذا النص كنت متأثر بالشاعر جمال بخيت فى رائعته ( مش باقى منى ) لكنك إنتبهت ورجعت على طريق عمرو
وما أعترض عليه بشدة هو جملة (فى ايد عيل من الخواـــــت )
لكن هذا لا يمنع أن بالنص مناطق عالية جدا