انا و صاحبي

زارنى صاحبى فى المنام
اللى مات من قبل عام
قالي كيف احوال ولادى
عامله ايه بعدى المدام
حبست الدمع جوا عينى
اتخنق فيا الكلام
شافنى ساكت
قالي انطق قول اوام
قلت دارك قسموها
والفلوس بعتروها
كل واحد راح لحاله
وان شافونى ما يعرفونى
حتى ما يردوا السلام
قال و المدام
قلت فاكرعليوه ابن خالها
الى كان فارس خيالها
قالي مات
طب ليه مجاش رد السلام
يمكن يكون راح جهنم
اصلو كان راجل ضلالي
وشغلو كان فى الحرام
قلت لا خد مكانك
واستلم منها الزمام
صرخ في وشى وقال حرام
صحيت من نومى اضحك
عشان ماتت قبلى المدام