حلم ف كتاب الجغرافيا

[b] مش راضيه تنام العسليه
ف جيب مريلتى الكاكى
وانتى بتنطى السيجا
ااريجااا...
وصحابك بيردوا عليكى
.....اعمى
اريجااا....
- اعمى
الحلم اللى اخدنا صغار
ودوخنا ف حارات اللعب..
-العسليه اللى استنت بقك ....
..لزقت ف جيوبى
--خد نص افرنك
هاتلنا دومتين ما تجيبش حرنكش
كل المصروف انا خلصته
-هنروّح مشى
عشان ما يمشى الحلم معانا شويه
عطشان ..
شقيان...
زيينا......
قبل ما يسبنا جراح
...........................
............................
............................
لمّا وصلنا اعدادى
لمحت امى صورتك ف كتاب الجغرافيا
عملت مش شايفه الصوره
ورسمتلى حدود الحلم
وانا قاعد ع الطبليه
وهى بتكلم ابويا
--عارف يا بو اكرم....
يا ريتنى ما رضعت ولادى ويّا بناتها
وخصوصا البنت داهيا
دى طلعت...
جنه
..................................
وقفتى اللقمه ف زورى يا امه
عجزتى الحلم
وكسرتى العكاز الفاضل ليّا
لجل تغطى الفقر
باسباب عريانه..
كان احسن لو قلتى..
بيتعالوا علينا
كنت اتكبرت عليهم
وفضلت
بدال ما اسيبكم واْهج
ويّا الشتا المكسوف من سرى
خلص مدراسنا وبكّانا
وحدفنى لصيف مخنوق الضل
الهانوفيل....
ماكانتشى غير بحر ورمله
ما مسحشى المر ف حلقى شجر التين...
ماغطاشى العسليه اللازقه ف جيبى..
حديد التسليح
يوميتى كات خمسه وتلاتين..
راح اغيب شهرين..تلاته
اسمّر شويه...
انحفللى شويه..
وارجعلك من غير عسليه..



الاقيكى توت ..
ويمام
مستنى الصياد يعمللّك غيه
لمّا اْتفاجاْ ابويا بشددان حيلى
حبّ يبيض كدبة امى المره
عايز تحلم وتحب....
وماله ايه المانع..؟
كان صيادك حدف السهم ومانع
فرّق شربات ع الصفين
فرق شيئى بات بين اتنين
وامى ما تعرفش ...
اءن اللقمه لسه ف زورى
لحد الان....
والعسليه ف جيب مريلتى الكاكى
مارضيتش
تنا م
___________________________________--
محمدابلااهيم

الله على الفكره والاحساس والكلمات
ابداع لاجد له كلام
استاذ ابراهيم تقبل فائق اعجابى وتقديرى
دمت بكل خير

العزيز عادل
انت نورتللى السكه على النافذه الجميله دى اللى من خلالها بنوصل للناس ببساطه ورعه
يشكر عليها القائمين على ادارة المنتدى
شكرا على كل جميل



------------------------------------
محمد ابراهيم

الاستاذ محمد ابراهيم

الله عليك وعلى اقتطافك

للكلمات الرائعه

بجد برافوووووووووووووووووووووووووووووووووو

وعايزين الربع جنيه

اللى قالك عليها اشتاذ عادل

[b]