شنطة

شال الشنطة وفتح الباب
عدي طريقه وراح مدرسته
جوا الحصة
شاف عيون الحلوة حزينة
من طول صمته
شافها بتبكي....قام واتحرك
بص ف عينها ولما اتجرأ
لسة حيحكي....
شاف طيارة بترمي صاروخ
شاف الكل بيجري وسايبه
بقت الدنيا سواد وغبار
والسبورة بنفس اللون
بس عليها كلمة عار
بص ف عينها وسكن ليلها
وفضل ثابت وسط النار
اللحظات........
اعوام بنمر
وسط رصاص وانين المر
ابشع لحظة....
لما الجندي علي كراسته..
عدي ومر
بص ف عينها وكان محتار
بين الموت وما بين خوفها
لف ذراعه علي ذراعتها
حب يسكت كل اهاتها..
بين احضانه..
عدي العمر ف لحظة وفات
ثبتت عينها علي السبورة
بعد ما غمض كل عيونها
تن يعيط ع الامورة
اخر مشهد........
بص عليها
قام واتحرك
واما الظلم ف لحظة اتجرأ
شال الشنطة وفتح الباب
وحضن ارضه