شخشيخه

ندى إمام كتب:

جميلة ياعزة وخفيفة وناعمة ورقيقة ........

حاجة كدة زى الملبن وطعمها حلو قوى

سلمت يمينك يا جميلة

محبتى وتقديرى

والله الجمال عند كله ايتها الرائعه
وبتأسف فى تأخيرى ف الرد
دمتِ ودامت روعتك
دمتِ بحب

الشاعرة عزة الزرقانى كتب:

انا عادى

ومش عادى

اكون راضى

اعيش شخشيخه

ف ايديكى

انا احساس

وكل الناس

عليا شاهده او ليكى

وعارفانى ..وعرفاكى

وعارفه ايه نواياكى

وفاهمه انى

مش ليكى

ولاقيكى..ف بحر

ومنه طالعه

غرقانه

وبردانه

بنيت ...ليكى

قصور ياما

وفوقتك..وروقتك

وقولت ارسى على شطك

وامشط لك

جدايل شعرك اللافف

على كتافك

منا دلوقتى...مجدافك

ماليش غيرك

ولا ارضى..سوى

شكلك واوصافك

يكون لى وليف

ماهوش تأليف

دا حلم مخيف

الاقيكى ..

بجد بتلعبى بيا

وتطفى الفرحه ف عنيا

أعليكى ..وانتى

تنزلى بيا

دا مش عيبى

ولا عمره ح يبقى

عيب كمان فيا

دا عيب فيكى

وانا ..عادى

ومش عادى

اعيش راضى

اكون شخشيخه

ف ايديكى

عزه الزرقانى

وانا مالى
انا عمرى ما عشمتك
اكونلك يوم
ولامره بالحب قبلتك
يبقى كفايه عتاب اولوم
واللى يحب يعدى بحورى
لازم قبله يجيد العوم
المبدعه الشاعره / عزه الزرقانى
لقد عبرتى فى قصيدتك الرائعه عن سلبية وانهزميت بعض المبتلين بالعشق فى قصيدة (شخشيخه) وكأنك تقمصتى شخصية رجل انساق وراء حبه فأصبح عبدا لمن يحب يحركه كما يشاء وعبرتى عن ما يشعر به بكل براعه ودقه فائقه واجد انك فى هذه القصيده تفوقت حتى على الشعراء الرجال فى وصف بعبراتك القويه فيما يختلج فى نفس رجل يشعر بواضعات مكانته عند محبوبته انت رائعه بكل المقاييس تقبلى مرورى على رائعتك
دمتى بحب
رجب

حماده ابوطالب كتب:

لما بقرى كلامك قلبى بيرقص

مش عارف ازا ى

كلمتين وبس

لكن يحتو الكثير من المعنى

والاعجاب بالموضوع

دمت بكل

رقى وروعة حضور

[/b]

رد: شخشيخه
جميله ياعزه شخشيختك
وأجمل منّّّّّّها..بختك
تحياتى ...طلعت سالم

أستاذة عزة
اشتقت لقراءة كلمات جميلة فبحثت عن عمل من أعمالك فوجدت فيه مطلبى
شكرا لكِ على ذلك الجمال والروعة

[quote="الشاعرة عزة الزرقانى"][/quote
مهو انا يا ست الكل فاهم قصدك مين بالظبط وكنت كاتب الرد ده من بدرى
بس كنت برد بلسان اللى بالى بالك قبل الثوره ههههههههههه
وكان قصدى باللى يحب يعدى بحورى لازم قبله يجيد العوم يعنى اللى يعرف
طبعا فى اسلوب ساخر ينافق ويكذب هو اللى يوصل لبر ايامها بعنى
وكل لبيب بلاشارة يفهم
وتقبلى منى كل ود واحترام
دمتى بحب

الاستاذه عزه الزرقانى
كلما قرأت لكى زاد اقتناعى بأنك شاعره
تستحقين ان تتربعى على القمه فأنتى من
القلائل على الساحه الذين تستوقفنى
قصائدهم وفقك الله وذادك بريقا ولمعانا
صلاح الكومى

مسكين جوز المرة لما يكون قفة
تمسك فى إيدها الشنط وتشيّله القفة
تقلت حموله وشال فوق الدماغ قفة
اللى المرة تركبه بين الرجال يخرس
ساكت وسرحان لو شفته تقول أُخرس
لو عاز ينفّذ كلامه تقول له هس اخرس
غور فز إنعس وشوف الدنيا كام قفة!!
ــــــــــــــــــــــــــــــــــــ
والله باين لى انااللى طلعت شخشيخة فى المنتدى ده ..طب كيف القصيدة الرائعةدى موجودة فى المنتدى وماشوفهاش غير دلوقت...طب اودى وشى فين منك ياعزة ..قصيدة بالجمال والروعة دى والموسيقى والصور وخفة الظل دى المفروض الواحد يدعدس عليها ويجمعها ولوكانت ابرة فى شونة تبن !!..دمتى مبدعة ايتها الرائعة.

اغنية خفيفة وظريفة استاذة عزة بس مش عارف ايه
انا عادى

ومش عادى

اكون راضى

اعيش شخشيخه

ف ايديكى .

يعنى هو يبقى شخشيخة ولا لأ كدة تحيرينا فى التناقضات .

على العموم أستمتعت بقرأتها .. بارك الله لك اختاه .. دمتِ بكل الخير .

الأستاذة الشاعرة / عزة الزرقاني

تقمص ٌ رائع لماهية ِ الرجل ِ ، فلقد تعاملت

بروح الشاعر المطبوع وحرفية المحترف بدون

تكلف ٍ فجاء الشعرُ قليلَ الكلام ِ كثيرَ المعاني

بالله يا سيدتي " أنيَّ لنا هذا "

وهو من عند ربِّك ِوقد خصَّك ِ به وحدك ِ .


محمد السيد

الشاعر محمود قطب كتب:

[i][u][b]الله
تسلم ايدك
عبرتى والله عن السواد الاعظم
من ولاد مصر
اللى حبوها وعشقوها
لكن للاسف
حسوا لفترة طويل بالاغتراب
وتاهوا منها فيها
تقبلى اعجابى بما قدمتى
شكرا

اشكرك سيدى الرائع على هذا الحضور المبهر

دمت لى ولا حرمنى الله من روعة تواجدك على متصفحى المتواضع

دمت بحب

[/quote
مهو انا يا ست الكل فاهم قصدك مين بالظبط وكنت كاتب الرد ده من بدرى
بس كنت برد بلسان اللى بالى بالك قبل الثوره ههههههههههه
وكان قصدى باللى يحب يعدى بحورى لازم قبله يجيد العوم يعنى اللى يعرف
طبعا فى اسلوب ساخر ينافق ويكذب هو اللى يوصل لبر ايامها بعنى
وكل لبيب بلاشارة يفهم
وتقبلى منى كل ود واحترام
دمتى بحب
فعلا ايها الرائع رجب

الحقيقه انا بكون سعيده جدا ان القصيده بتاخد أكثر من نحمل

واكثر من وجهة نظر بحيث لا يكون الابداع مباشرا ويدعى المتلقى الوقوف والدهشه والتفكير فى النهايه

دمت لى ودام حضورك الاكثر من مره والذى يسعدنى

دمت بحب

[/center]