مجموعه شعر عامي

اولا السلام عليكم ورحمه الله وبركاته
ثانيا اشكر استاذ وحيد وصفى على مجهوده ف المنتدى وعلى توجيهي للمنتدى
ثالثا احب انشر بعض اعمالي على صفحات هذا المنتدى

اول قصيده اسمها استحاله

السكات ....
مالي المكان
وعنيك تزغلل
شنطه حياتك اتملت بالذكريات
روحك بتفرفر جواك
الزحمه ف اخر نظراتك بخبي النور اللي ملاك
بتداري حياتك ف الموت
بتلون كراسه حلمك ؟؟؟
الوانك كلها بهتانه
مش باين حلمك
انفاسك بتغطي الصوره
وعنيك مقفوله بترباسك
الشمس بتطلع من حواليك
وانت اللي بتكتم احساسك
تسمحلي اعاتبك
على ضمه ايدك
على غضَ شفايفك
على صبر سنسن على شئ ميت
صدقتي
غرورك مش هاينسيك
انك مركون على ناصيه حد ما
بيحبكش

تاني قصيده صباح ال..... وهيه اقصر قصيده كتبتها

اتمطع وافتح ستارتك
استقبل النور اللي جايلك بأبتسامه
كرمش خطوطه
واسرح ف ضلك
هاتشوف شيطانك واقف مكانك
وانت اللي ضله


ودي تالت قصيده ف حب مصر اسمها مصر التي .... واخدت عليها جايزه الجامعه في مجال شعر العاميه لمهرجان بنحبك يا مصر

باشوف الفجر بيشقشق على جبينك
ويحضن كل الوانك
يغازل عشقنا بكلمه
ف يخطفني الحنين ليكي
ويصبر لما انساكي
يفكرني
يادوب ع المرسى تتكعبل احاسيسي
واخاف ابعد
يضلل حزنها نورها
تغمض فيا احلامي وتسبقني على بابها
توشوش سري لعيونها
وترميني ك بذرح حب ف ترابها
تغطيني وتسقيني ب حنان نيلها
تعوضني سنين بعدي
وتطرح فيا احلامي
يادوب يكفيني احضنها واحس بأرض تحميني
يادوب الفكره تحضني واحس بأرض تحميني
يبان املي الوحيد اعشق
واموت فيكي

رابع قصيده اسمها شعبطه


ودع الضحكه ب شماته خليك حزين
واقفل بيبان الصبر يمكن تكون
احلامك الخضرا سراب
ما تصدهوش
عيش الحقيقه ودع صحابك والطفوله
وانساك ف حته
واجري
ارضى ب حياتك
بس اجري
غير ملامحك
الفقر سكه مش بتاعتك
المازيكاتي بتاع اوربا
مش هينفع عندنا



يا رب شغلي يعجبكم ومنتظر ردودكم

وردة للمرور على عملك الرائع ووردة للترحيب
أخى الشاعر

الاستاذ الشاعر
حسام سراج
اهلاّ ومرحباّ بك شاعر جميل ذو افكار جيده
وتكتب النثر والموزون .واسعدنا وجودك
على صفحة العاميه ونشكر الاخ / وحيد
على هذا الإهداء الرائع حيث اهدانا بشاعر
اكيد سوف يتحفنا بأعماله الرائعه .
وتقبل مرورى مع خالص تقديرى ...

[b]

نورت الدنيا يا عم حسام
و شغلك المنشور هنا رائع
و أتوقع ما هو أجمل
تابعنا و استمر معنا و ستجد هنا
من المخلصين من يعطونك خلاصة
تجاربهم
أنصحك بقرائة أعمال الأساتذة :
زينات القليوبى ـ عادل عوض سند
محمود عبد الحليم ـ وداد الهوارى
وفاء أمين ـ جمال الدليل
و باقى أعضاء المنتدى ، حيث أعدك بأن تكون
قراءة أعمال هؤلاء فى حد ذاتها
درساً لكل من يريد أن يتعلم

و انصحك أن تنشر أعمالك فيما بعد كل على حده
حتى يأخذ كل عمل حقه فى القراءة و التعليق

الف شكر على الردرد المشجعه دي واشكرك استاذ وحيد على النصائح