عايزة اتجوز...!!!

حبيت انقل لكم الموضوع دة وخصوصا البنات لأن المقال دة بيناقش مشاكل البنت فى مجتمعنا الشرقى بأسلوب ساخر وكوميدى وهو للكاتبة الشابة غادة عبد العال وأكتر حاجة تضحك فى الموضوع دة واقعيته ودة أكبر دليل ان واقعنا ملىء بالكوميديا وهى كوميديا سوداء

سموا كده و خليكوا معايا واحدة واحدة...خلينا نتفق الأول ان موضوع الجواز و العرسان و تأخر الجواز ده موضوع حساس جدا..وصعب جدا انكوا تلاقوا حد بيتكلم فيه بصراحة..خصوصا بالنسبة للبنات....لأن اللي بتتكلم فيه بصراحة يا إما بيتبصلها على إنها قليلة الأدب و ماتربتش ..يا إما على انها مسروعة ع الجواز ..يا إما على انها بارت و مش لاقيه حد يتجوزها..

عشان كده تلاقوا بنات كتير بتقول ..جواز ايه بلا نيلة ..يعني هم اللي اتجوزوا كانوا خدوا ايه...انا قاعده في بيت أبويا معززة مكرمة ,ايه اللي يخليني أروح أتبهدل مع حد ماعرفوش..أنا ما بافكرش في الجواز دلوقتي لما أبني مستقبلي ..و الجملة المستهلكة في كل الأفلام العربية .."لما أحقق ذاتي ""...مش عارفه ايه ذاتها دي و تحققها ازاي يعني

يمكن فيه بنات كتير ليهم طموح في دراستهم و في شغلهم ..لكن أتحدي ان أي واحدة فيهم مايكونش طموحها الأول انها تبقى زوجة ..على الأقل لأن دي الطريقة الوحيده اللي تخليها تبقى أم

نتفق بقه على أسس تانية مهمة ....عدد البنات في مصر أكبر من عدد الرجاله

دي نقطة أساسية مش عايزة أي حد يناقشني فيها ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38..في واحد قاللي ممنوع يذيعوا ان الحرارة فوق ال42
عشان السياحة ماتنضربش و السياح مايهربوش

موضوع نسبة الإناث للذكور برده فيها لعب بالطريقة دي..ليه بقه النسبة أكبر؟ أقولكم

موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف عشان البأف جوزها يجيله الواد..يجيبوا يعمل بيه ايه؟ ماتعرفش ..و بيجي في الآخر خايب و نايب و يقعدوا يدلعوا فيه لما يطلع فسدان و يضيعهلم اللي وراهم و اللي قدامهم و اللي جنبهم كمان...

نقطة تانية ..
الرجالة بقوا حاسين بنفسهم و بيتكبروا على خلق الله من البنات و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم .. طب بص لنفسك في المرايه الأول ..طب بلاش بيقولوا الراجل مايعيبوش الا جيبه ..طب شبرقنا كده و ادخل في ايدك ان شالله علبة ملبس ..ألا لأ هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم للبت
لا اصل السن مش مناسب الفرق بسيط لزم تكون اصغر منك يجى بخمس سنين كدة لا متنفعشى اصلها من نفس عمرك
مالقوش فى الوردة عيب قالوا ياحمر الخدين

لأ و الأفراح ..نككككتة..زمان كنتوا تشوفوا في الأفلام العربي أي بنت تدخل فرح و هي لابسه شيك كده شوية ..يتلموا عليها الشبان و يبقوا عايزين ياكلوها .. و ما تخرجش م الفرح إلا بعريس.. :
دلوقتي نفس التجمعات بس بالعكس ...تلاقي كل أم قاعده هي و بناتها مراقبين الشباب و ياويله اللي يعدي جنبهم...
طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا
طبعا الواد يا إما بيطلع يجري ..يا إما حد من صحابه بياخد باله من الكمين اللي وقع فيه ويجي ينقذه على أساس في حد عايزة و كده

طبعا ده غير اللف اللي بيقعدوا البنات يلفوه حوالين العروسة عشان يبقوا واضحين لكل اللي في القاعة من كل الجهات ..و لما بيقف اللف تلاقيهم يزقوا في بعض أو يعملوا انهم بيعدلوا للعروسة فستانها أو طرحتها عشان يطلعوا في الفيديو..و يحاولوا يطلعوا في أكبر عدد ممكن من الصور ..يمكن يعجبوا حد و يتكل على الله و ينتشلهم من عالم الآنسات

الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها

دلوقتي الكورة بقت في ملعب البنات ..يعني لازم تخرج و تشتغل و تروح أفراح و تزور أصحابها لأن مسؤلية إحضار عريس بقت ملقاه على عاتقها بالكامل ..أنا أعرف حالات كتيرة أهل البنات بيتخانقوا معاهم خناقات لرب السما عشان يخرجوا و يشتغلوا يا إما عمرهم ما هيتجوزوا ..

و من الجهة التانية المجتمع في حالات كتير و خصوصا خارج القاهرة و الأسكندرية مابيرحمش أي بنت تخرج مع راجل عشان تتعرف عليه و يمكن يبقى فيه نصيب ..ده غير ان الراجل نفسه في الغالب ما بيرضاش بيها و يقولك عايز واحدة خام لا خرجت و لا اتكلمت مع حد غيري تيجى ازاى معرفش رغم نفس الوقت عايز يتفاهم معاها معادلة صعبة شوية

بصراحة المجتمع المنيل اللي احنا عايشين فيه و اللي بيقيم البنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت ان شالله واحده عندها 18 سنة

المجتمع ده ظااالم و مفتري ..و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها

لو اعدتوا معايا للمرة اللي جاية هوريكو المسكينة غادة والعرسان اللي اتقدمولها اللي اقل مايقال عنهم سوري يعني معاتية

ههههههههههههههه
موضوع جميل يا سندريلا
و أنا عاوز اتجوز

الرائعة نسرين
من أجمل الموضوعتا و اطرفها و أكثرها اقناعا
كتب بأسلوب بيط سهل و به خفة دم متناهية
و طرافة و جرأة حميدة
ووجهة نظر تحترم جدا و أتفق معها تماما
مودتي لروعتك
أخوك

انتي جيتي ع الجرح مظبوط لكل البنات يا سندريلا
هو ده الي بيحصل في كل مجتمعاتنا العربية
مفيش فرق بين المشرق والمغرب

هههههههه هم لابد منو
الجواز بهدلة للستات بين مسؤولية البيت والأولاد والشغل
بس دي سنة ربنا...نعمل ايه
ربنا يعين المتجوزين
ويجوز الي عايزين يتجوزو ههههههه

موضوعك جميل وظريف وواقعي

بشكرك عليه

الله
و الله جميل يا سندريلا
أنا بدور على عروسة من زمان
لكن الشباب برضه مظلوم
لأن مفيش عمل و المرتبات ضعيفة
و البنات بتطلب مهر مغالى فيه
معايا و لا لأ ؟

جميل و جريئ و واقعي يا سندريلا
مش في مصر فحسب بل في كل بلاد الله
ما فيش بلد خالية من العوانيس
و العدد يتزايد . هو من الشرع أعطى
للرجل 4 ميشيلو هههههههه
و كدا عدد العوانس يقل أكيد
انا لو بايدي كل واحد يملك عمارة
و عربيات فخمة و مدخول محترم
واجب عليه يتزوج أربعة امال ايه ؟
ههههههه شكرا لك غاليتي
لنقلك هذا الموضوع الشيق

خالص ودي

عايزة اتجوز...!!! 56845

رغم اني ابتسمت كثيرا لكني حزنت كثيرا..لانها فعلا واقع نعيشه
بس انت مش ملاحظه انك جايه علينا شويه..
يعني انا مثلا لو كتبت بنفس الموضوع ح اطلع المخباي عنكم
يا ملايكه...يا مظلومين...

موضوع: رد على/ سيندريلا السبت أبريل 25, 2009 4:05 pm

حبيبتى /سيندريلا واسمحيلى اقول حبيبتى
بجد الموضوع
فى غاية الروعه والجمال
يارب دايما من موضوع شيق
لموضوع اجمل واجمل
ويارب اشوفك دايما منوره
سماء منتدانا
يارب
تقبلى مرورى سيدتى الجميله
اختك/ همس
afro

موضوع ظريف معالج بخفة دم , وبأسلوب ساخر , لكن الموجع أن كل ماقيل و هو محزن ومبكي , لأننا وصلنا الي هذا المستوي من ضياع أبسط الحقوق , وكان من المفترض في هذه الألفية الجديدة , ان يكون الانسان في قمة حرية الاختيار , لقد تأخرت المرأة وتخلف الرجل قرونا كثيرة , لقد ألمحت السيدة خديجة للارتباط بالرسول , بل أرسلت من يسأله في ذلك , وتجملت امرأة عقب وفاة زوجها -للزواج من اخر -وكان الصحابة يسألون بعضهم من له رغبة في الزواج من ابنته , وكانت الخطبة أيام قليلة وثم الزواج , وكانت - عادة - حياة مستقرة , نحن الان نتخبط ونتجاوز أعمارنا دون تحقيق أبسط الاشياء , لأننا قد فقدنا البوصلة , وتهنافي تفاصيل تافهة لاعلاقة لها أساسا بالحياة ..........وبصراحة .مابقتش عايز أتجوز !

محمد سالم كتب:: ههههههههههههههه
موضوع جميل يا سندريلا
و أنا عاوز اتجوز

ههههههههههههههههههههه

ميرسى محمد منورنى بمرورك

عاطف الجندى كتب:: الرائعة نسرين
من أجمل الموضوعتا و اطرفها و أكثرها اقناعا
كتب بأسلوب بيط سهل و به خفة دم متناهية
و طرافة و جرأة حميدة
ووجهة نظر تحترم جدا و أتفق معها تماما
مودتي لروعتك
أخوك

ميرسى استاذ عاطف على مرورك الكريم واحترامك لوجهة النظر

نادين عبد الله كتب:: انتي جيتي ع الجرح مظبوط لكل البنات يا سندريلا
هو ده الي بيحصل في كل مجتمعاتنا العربية
مفيش فرق بين المشرق والمغرب

هههههههه هم لابد منو
الجواز بهدلة للستات بين مسؤولية البيت والأولاد والشغل
بس دي سنة ربنا...نعمل ايه
ربنا يعين المتجوزين
ويجوز الي عايزين يتجوزو ههههههه

موضوعك جميل وظريف وواقعي

بشكرك عليه

ميرسى كثير نادين على مرورك العطر هنعمل اية بقى زى مقولتى هم ولابد منة

عمر باشا كتب:: الله
و الله جميل يا سندريلا
أنا بدور على عروسة من زمان
لكن الشباب برضه مظلوم
لأن مفيش عمل و المرتبات ضعيفة
و البنات بتطلب مهر مغالى فيه
معايا و لا لأ ؟

ميرسى يا عمر انا معاك على ان الشباب ليهم عذر

لكن فى شباب بتتبتر على النعمة وتتنمرد لو بنت اتنازلت عن جزء من متطلبات الشاب عشان الامور تمشى وتعدى بتلقى الشاب هو واهلة يتغر ويقول واضح انها مصدقت وتتفهم بمعنى اخر

البتول العلوي كتب:: جميل و جريئ و واقعي يا سندريلا
مش في مصر فحسب بل في كل بلاد الله
ما فيش بلد خالية من العوانيس
و العدد يتزايد . هو من الشرع أعطى
للرجل 4 ميشيلو هههههههه
و كدا عدد العوانس يقل أكيد
انا لو بايدي كل واحد يملك عمارة
و عربيات فخمة و مدخول محترم
واجب عليه يتزوج أربعة امال ايه ؟
ههههههه شكرا لك غاليتي
لنقلك هذا الموضوع الشيق

خالص ودي

ميرسى لمرورك الكريم البتول
هو اولا واخير الزواج بيكون قسمة ونصيب ومكتوب عند ربنا

االمشكلة مش حلها فى تعدد الزوجات المشكلة فى الشباب اللى مش لقين وظائف واسعار الشقق المرتفعه ومنهم اللى مش متحمل مسئولية

اى بنت عايزة تستقر مع شريك حياتها يكون ملكها لوحدها مش عايزة تتجوز عربية ولة عمارة يعنى حتى كمان دة مرفوض هههههههههههه

حمادة القاضي كتب:: رغم اني ابتسمت كثيرا لكني حزنت كثيرا..لانها فعلا واقع نعيشه
بس انت مش ملاحظه انك جايه علينا شويه..
يعني انا مثلا لو كتبت بنفس الموضوع ح اطلع المخباي عنكم
يا ملايكه...يا مظلومين...

اشكرك حمادة على المرور
[center]
اختلف الرائ لا يفسد فى الود قضية

انا بتكلم عن واقع حقيقى بنعيش فية بعيد عن عدم وظائف الشباب بتكلم عن نظرة المجمتع

للبنت فى ذنب هى مالهاش فية اعرض موضوعك وطلع المستخبى [/center]

همس العيون كتب:: حبيبتى /سيندريلا واسمحيلى اقول حبيبتى

بجد الموضوع

فى غاية الروعه والجمال

يارب دايما من موضوع شيق

لموضوع اجمل واجمل

ويارب اشوفك دايما منوره

سماء منتدانا

يارب

تقبلى مرورى سيدتى الجميله

اختك/ همس

ميرسى حبيبتى همس العيونى نورتي الموضوع بتواجدك الجميل وبهمساتك الرقيقة

أشرف دسوقي علي كتب:: موضوع ظريف معالج بخفة دم , وبأسلوب ساخر , لكن الموجع أن كل ماقيل و هو محزن ومبكي , لأننا وصلنا الي هذا المستوي من ضياع أبسط الحقوق , وكان من المفترض في هذه الألفية الجديدة , ان يكون الانسان في قمة حرية الاختيار , لقد تأخرت المرأة وتخلف الرجل قرونا كثيرة , لقد ألمحت السيدة خديجة للارتباط بالرسول , بل أرسلت من يسأله في ذلك , وتجملت امرأة عقب وفاة زوجها -للزواج من اخر -وكان الصحابة يسألون بعضهم من له رغبة في الزواج من ابنته , وكانت الخطبة أيام قليلة وثم الزواج , وكانت - عادة - حياة مستقرة , نحن الان نتخبط ونتجاوز أعمارنا دون تحقيق أبسط الاشياء , لأننا قد فقدنا البوصلة , وتهنافي تفاصيل تافهة لاعلاقة لها أساسا بالحياة ..........وبصراحة .مابقتش عايز أتجوز !

اشكرك اشرف على مرورك وعلى هذة اللمحة الواقعية فعلا زى مقولت احنا تركنا

الاساسيات المهمة وبقينا نتماسك بعادات تافهه وننظر الى تفاصيل غير مهمة

يعنى من الاخر كدة كل واحد بيتلكك للتانى لاى غلطة

أخت سندريلا
من أجمل الموضوعات التى قرأتها هذه الأيام
استمتعت بها
afro

اشكرك استاذ سامى استمتعت بمرورك الراقى

هو موضوع رائع و مهم يا سندريلا
و تفكير سليم ميه فى الميه
و ظريفه الفكرة

مرحبا بكم جميعا
يشرفني انني اتواجد للمره الأولي معكم والفضل في هذا يرجع الي الله سبحانه وتعالي والأخت الشاعره / عزه الزرقاني التي دلتني علي هذا المنتدي في إحدي ندوات النادي المصري بالاسكندريه الذي شرفت بالتواجد فيه مع أناس أعجز في وصفهم .
تحياتي الي سندريللا علي طرحها هذا الموضوع الشائك .والعيب أننا نرجح العرف علي الشرع في بعض الأحيان ذلك أن الزواج لابد ا، يأخذ طريقه بأي شكل طالما أن الطريقه والهدف حلال .
ولكن مازالت هناك مسافه شاسعه بين ثقافه الأبناء والآباء وصعب جدا أن تلتقي الثقافتان في الزمن القريب القادم . ليست هناك أرضيه ثابته للتفاهم من خلالها علي محددات ومضامين ثقافيه نتفق من خلالها علي ما نفعله ونقرره . وهذه حاله عامه علي مستوي المجتمع ككل . فلا تبتئسي سيدتي .
لكم الموضوع مطروخ بسخريه لذيذه ولغه كوميديه رائعه . شكرا لكم

شكرا لك يا سندريلا الجمال
و انت صحفية ماهرة جدا
و كتبتى موضوع فى غاية الروعة

السلام عليكم يا سندريلا يا اميرة
احسنت اختيار الموضوع لانه فى راى يعد موضوع الساعة حيث انه لو استقام الاختيار استقامت الحياة فى كل الاتجهات لكى تحياتى وتقديرى

بنت النيل كتب:: هو موضوع رائع و مهم يا سندريلا
و تفكير سليم ميه فى الميه
و ظريفه الفكرة

اشكرك بنت النيل على مشاركتك الجيدة

برهان غنيم كتب:: مرحبا بكم جميعا
يشرفني انني اتواجد للمره الأولي معكم والفضل في هذا يرجع الي الله سبحانه وتعالي والأخت الشاعره / عزه الزرقاني التي دلتني علي هذا المنتدي في إحدي ندوات النادي المصري بالاسكندريه الذي شرفت بالتواجد فيه مع أناس أعجز في وصفهم .
تحياتي الي سندريللا علي طرحها هذا الموضوع الشائك .والعيب أننا نرجح العرف علي الشرع في بعض الأحيان ذلك أن الزواج لابد ا، يأخذ طريقه بأي شكل طالما أن الطريقه والهدف حلال .
ولكن مازالت هناك مسافه شاسعه بين ثقافه الأبناء والآباء وصعب جدا أن تلتقي الثقافتان في الزمن القريب القادم . ليست هناك أرضيه ثابته للتفاهم من خلالها علي محددات ومضامين ثقافيه نتفق من خلالها علي ما نفعله ونقرره . وهذه حاله عامه علي مستوي المجتمع ككل . فلا تبتئسي سيدتي .
لكم الموضوع مطروخ بسخريه لذيذه ولغه كوميديه رائعه . شكرا لكم

اشكرك استاذ برهان ومرحبا معما وبيننا فى منتدانا الذى ازداد اشراقا بمشاركتك

وكلامك بالفعل قيم وصحيح لان اختلاف الاجيال وبمرور العصور تختلف الافكار والاراء والمعيشة والحياة وهو دة السبب الرئيسى لعدم تقارب الافكار بين الاهل والابناء فيحدث صراع بين الطرفين

» عايزة أتجوز
» إن كنتي عايزه محبتي
» ولسـّه عايزه تفهمي ..؟ .. ضياء الدين البري
» عارفة يا سارة .. عايزة احكى لك
» عايزة رأيكم كلكم يا جماعة في لوحاتي الفنية