جبريل ملاك

يا عم بشر
البشر يا سيدي
يا سيدى جابر
إجبرونا يا ناس!ش
قال لى ده بحرى
وشطُّه ف الحكاياتْش
عديت على بحرى
وجاتنى النسمه من بحرى رباعياتْ
سمِّيت عليكْ
بِشْباكِ بنده لك
صادتنى نجمه واقفه ف الشبَّاكْ
شبك الهوى قلبين
و "مد الموج"
يودينى هنا وهناكْ
قلت لها:اسمك؟!
قالت لى: يا أبو الطيبْ
أنا ماريه وعينى بحر هواكْ
قلت لها: فينه؟
قالت لى :والمرسى
لتقول لى إنتَ 00 ودلِّنى ويَّاك!
قلت لها: راجل
اسمه نهر النيل
قلمه ف " قضايا للأدب " نلقاه
وقلبه ندوه
وجرن للعصافير
وعينيه
جنينة النزهة والأسماكْ
قالت لى: إحلف
قلت : أنا صادق!
قالت لى عارفه 00
يا أبو قول 00 ما أحلاه
عايزاك، تقول لى بصدق ما تخبِّى
جبريل ده أصله بشر
فى الدنياولاَّ ملاك؟!

الله يا أستاذ عاطف
كلك على بعضك حلو
منا مش قادره أقول انهو أحلى
القصيده كلها رائعه