مدام فشخرة وأستاذ منظر

طبعا كلنا عارفين الاعلان اللى كان بيتعرض فى رمضان وعشان كده لازم نتكلم في مواضيع خاصة برمضان

ومنها الاعلان بتاع مدام فشخرة واستاذ منظر ههههههه

بيقولوا في هم بيضحك وهم بيبكي

وناقصين يجيبوا شعبولا بالمرة يعملهم الاعلان عشان عدد المشاهدة تتكتر علية

انا مش عارفه هم بيضحكونا علينا ولا علي نفسهم ودة تصور أن الأسرة المصرية اللي مش لاقين الجنية بيصرفوا 2000 جنية في اليوم

والله لو حد معاه فلوس اد كده واتبقي الأكل اللي جبوة في الاعلان افتراضا يعني هيستخسر يرمية ده مش عزومة ده مائدة رحمن

كل مصيبة تحصل احنا السبب فيها طبعا طبعا

احنا فوضويين طفسين عندنا فلوس كتير ومش لاقين حاجه نعملها ايه ده

واللي يغيظ الرجل بتاع الاعلان ايه العقل والحكمة ده

اللي يولع الأسعار ويخرب البيوت هي الفشخرة والمنظرة يا حبوب

وهما طبق فول علي السحور ويادوبك صنف واحد علي الفطار ايه التبزير ده طبق فول بحاله انتم عارفين الفول بكام

النهارده مينفعش كده هتخربوا اقتصاد البلد كفاية الفطار ومش لازم السحور ولا اقولكم بلاش فطار ولا سحور

علي الاقل تعملوا رجيم وفي النهاية : كل منا يغني علي ليلاه لو حد سأل عليا انا سافرت

هههههههههههه

برافو عليكى يا سندريلا
هى الناس لاقيه تاكل
الناس دول بيضحكوا على مين بالظبط

لو انى مشفتش الاعلان او ممكن اكون شفتة بس معرفش ان هو دة
بس هو اصلا يا سندريلا بعد الاسعار دى عايزة يبقى فى اكل للغلابة
هو فعلا على رايك يعملوا رجيم

هم يضحك و هم يبكى
هى الناس لاقيه تاكل

احمد دياب كتب:: برافو عليكى يا سندريلا
هى الناس لاقيه تاكل
الناس دول بيضحكوا على مين بالظبط

ميرسى كثير على مرورك الكريم

eng_saeed كتب:: لو انى مشفتش الاعلان او ممكن اكون شفتة بس معرفش ان هو دة
بس هو اصلا يا سندريلا بعد الاسعار دى عايزة يبقى فى اكل للغلابة
هو فعلا على رايك يعملوا رجيم

تحياتى لمرورك الطيب الاعلان كان متسوق عبر شاشات التليفزيون

تامر محمود كتب:: هم يضحك و هم يبكى
هى الناس لاقيه تاكل

شكرا كثيرا على تعليقك

للاسف عايزين يرموها على الشعب الغلابان ويطلعونا احنا اللى مبذرين هو اساسا حد لقى ياكل من ارتفاع الاسعار
عشان يعمل عزومة يعنى احنا سبب ارتفاع الاسعار فى الاخر احنا غلط الحمد لله احنا شعب مقدر للنعمة