صفحة فيس

حياتك كلها تمثيل
بدون معني
وماشي فى سكتك - أعمي
كأنك تيس
وأصبح شغلك الشاغل
عدد لايكات
على بوستات
بتنشرها
فى صفحة فيس
وكام كومنت
راح يكتبلك الأصحاب
وحالتك ايه
فى يوم زعلان
ويوم تعبان
ويوم زهقان
وحاسس بالملل طهقان
ومرة سعيد
ومرة حزين
ومرة سافرت متغرب بعيد ع الناس
كلام وخلاص
مالوش معني
ولا فيه
ذره م الاحساس
حياتك كلها تمثيل
بدون معنى
وماشي فى سكتك
أعمى
وزي التيس
طب اقفل حبه
على نفسك
وخبي شويه أسرارك
ولحظه صدق هتعيشها
بدون متقول
اكيد احسن كتير من غيرها
بتقولها
فى صفحة فيس

* محمد طلبه *

والله زمان يامنتدى .. روحتوا فين ياشعراء