المراية والمجنون للشاعر محمود جمعة

المراية والمجنون جديد دار الجندي
***
صدر عن دار الجندي بالقاهرة
ديوان العامية المصرية ( المراية والمجنون ) للشاعر الرائع محمود جمعة
وهو الديوان الثاني للشاعر فقد كان الأول بالفصحى وكان بعنوان إذا مسني منك عشق
الديوان الجديد يقع في 105 صفحة من القطع المتوسط وكتب له المقدمة الشاعر السكندري الكبير محمود امين ويحتوى على عشرين قصيدة بالعامية المصرية منها يا خيل الشعر اركبي ودعاء بنتي وشيخ الأطبا و حنهد سورك وأنا صدرى ليكي جنتك ومتعلمتيش وغيرهم من القصائد العامية الرائعة مبروك للدار وللشاعر الذى يقول فى إحدى قصائد الديوان :
إنت بقيت أنا وهواك
***
بتوحَشني ..
وأنا من ثانية كنت معاك
وتوحشني يا رُوح قلبي وأنا وياك
ولو قلبي بإيده نصيب
لكنت بقيت هنا ف ضلك
وتحت َسماك
أنا مركب وبيسافر
ولكن ُعمره ما بيهدي
سوى ف مرساك
***
بتوحشني ..
برغم إني بروحي هناك
باحوم حواليك وأطمّن
كأي فراشه من نورك
تسافر تغتسل بهواك
ومهما القرب هدهد كل أحلامي
ومهما عِينيك بقت عُمري وأيامي
بيرجع قلبي يتدفا بنار الشوق
وترجع روحي للجنة تسافر فوق
وتسكن قصرك العالي
وتتنعم ف بحر رضاك
فتوحشني ياروح قلبي ، وأنا وياك
***
بتوحشني ..برغم إنك ساكن فيا
ورغم إني خلية حب ساكنه دماك
وكَإنّي أنا أنت
وإنت بقيت أنا وهواك
فمين ح يغيب عن التاني
ومين من شُوقه بيعاني
ولما أنده : بتوحشني ..
وباسمع فيك صدي صوتك
وصوتي معاك
ولما عيوني يوم حنت لضي عينيك
وسور الغربة مانعني أعدي إليك
لقيتك حلم ف عيوني
تسَّكت ظني وجنوني
وبسمه هادية بتقوللي علي مهلك
ومتخافشي
أنا بهواك
فأرجع تاني وأشتقالك
ويرجع نبضي يندهلك
تسافر روحي وتقولك ..
ورب الكون بتوحشني ..وإنت هناك
وتوحشني كمان أكتر
وأنا وياك

» المراية والمجنون
» محمود جمعة نعيم الأخوة فى الله
» بتوحشني / محمود جمعة
» أنتحار / محمود جمعة
» ياللعجب / محمود جمعة