مش راح تنزل دمعة عليك ********************* الي روح أخي الح

مش راح تنزل دمعة عليك
*********************

الي روح أخي الحبيب الراحل الشاعر عاطف عاشور
*******************
عاطف
لما أمبارح قلت : أنا جايلك
حضر نفسك ..
حقعد عندك
كنت بتقصد اية بالظبط ؟؟
عاطف
رد بلاش تهريج
وعدك إنك فعلا جاي
بكتيره ع الشهر الجاي
وأقعد جنبك وأسمع شعر
واغرق في المعني وف السحر
وأصرخ زي العادة
الله ..
تطلع ضحكة تهز القلب
رغم الهم شايلها الحب
وتقول بطل يابني تبالغ
عاطف
كنت بتحكي عن الاولاد
زهرات قلبك ..
ذرات روحك
تسكت .. فارجع أقولك كمل ..
قلت نكمل لما اشوفك
قاعد مستنيك صدقني
عاطف
يا بن الحكمة أتكلم...
حتي الفيس نفسه بيتألم
صحح له الاخبار الخايبة
مسكني في حبالي الدايبة
وأرجع ...
وأكتب بوست جديد
بيكمل للدنيا علامها
مش راح أصدق ( نور ) وكلامها
عاطف
مش حترد عليا ؟
طب أقسم بالله حنزلك
لو زعلان ..
أتأخرت - وغصبن عني –
في التأشيرة ..
حقك طبعا لو مصدوم
بس بلاش تنشر أخبار باسم (ال ... ...)
مش حنطقها ياعاطف رد
جبل الصبر ف قلبي اتهد
رد يا عاطف
عاطف
عدي عليا بروحك
وأنا اقسم بالله راح اشوفك
شمس تبخر شعر الكدب
وتنور وطنية وحب
وأرجع وأسمع دقة قلبك
ويناموا العشاق علي صدرك
تسقيهم وأنت العطشان
تسقي وتسقي وتسقي كمان
وأرجع أقولك
أنا مشبعتش
ااااااااااااااااااااه علي الدنيا دي لو مرجعتش
عاطف
رد يا عاطف بقي خلصني
حتي الروح بدات توجعني
رد عليا ابوس رجليك
مش راح تنزل دمعة عليك
حفضل جنب اللاب مستني
ربك رغم الغربة يعيني
نزل بوست بقي وطمني
عاااااااااطف .........................
عاااااااااطف .........................

قصيدة رائعه
...
رحمه الله وغفر له ولنا
..

» نزال شعرى هل من مبارز
» كل دمعة عين
» الله عليك يا بلدى .... الله عليك يا مصر
» دمعة حنين
» {.. دمعة وطـن ..}