ادعى وقول امين

ادعى وقول امين
 


اللى فينا مكفينا وطالع من عنيننا

والشكوى لربنا تكفينا

اللباس مقطوع مش مغطينا

والمعاش سرقو افندينا

وافندينا ابن حكومة مارينا

والحكومه بتاخدنا وتؤدينا

ابن المفتريه خد اللى لينا

منك لله يابن مارينا

يام اوصه قولى لينا

فلوسنا فين ؟

ولا انتى زيه من مارينا

خدنا العهد على نفسينا

وربنا هو المتكفل بينا

لاشكوى ولا نفس تانى لينا

غير المحتسب لربنا

هو بس اللى حاسس بينا

وقادر يرجعه تانى لينا

يا معاشاتى ادعى لربنا

واحتسب كل ظالم لينا

كل مسئول مش حاسس بينا

ولسه بيمص فى دمنا وفى وسطينا

ادعى فى الفجريه

ادعى فى صلاة الضهريه

ادعى فى العصريه والمغربيه

ادعى فى العشا دعوة قويه

طول ما الحكومه مش حاسه بيا

طول ما ام اوصه

بتضحك للمصوارتيه

واحنا خبيتنا قويه

ادعى وقول يارب

كل اللى سرقنا وضحك علينا

يعيش عشيتنا ويركن جنبينا

لافلوس تكفيه ولا خد يحمييه

يحس برد الشتا ولياليه

وحر الصيف وناموس جوه عنييه

وبرشام التامين يعمييه

ادعى كمان وقول يارب

فى الجامع فى الكنيسه

فى السنه البسيطه والكبيسه

قول عايز حقى ومن شقايا

قول عايز فلوسي ودوايا

قول عايز اعيش

زى البنى ادميين

لا شهر منحه

فى الاعياد ورمضان

ولا منحه تسد فى الازمات

ولا زرة ملح فى عين الحساد

تقول علينا بنى ادمين

ولا احنا عجنا طين بلازى

وهما من طين شكولاتى

مين حاسس بينا مين ؟

يا بنى ادميين

ادعى ربنا .. وقول امين



                           عصام سالمان