الكوتشي معدشي ينور

الكوتشي معدشي ينور
ومازنجر نام متعور
والبنت الكوكي الوحشة
فتنتي لأبله سهام
قال كنت بشخبط ديسكي
وقلبت الحصة كلام

رغم إني ماليش ف الظيطة
وبحس الدوشة عبيطة
حطتنى ف وش الحيطة
والرعب النايم - قام
..
وقعّت الضحكة بتاعتى ودهست ف طلعت خوفي الفاضل م الأحلام
..
مرجعتش يومها لروحى
ونا بخرج بره الباب
الفسحة رمتنى وجريت
وجرسها ضربني وغاب
الحوش إتعفر بيا
ضحكت الضحك عليا
إيه اللي إتغير فيا والورد النابت شاب
...
التوتة اللي بتطلعنى وبتقطف منى جنونى
دارت م القلب ورقها وسابتنى ف عب شجونى
أطلع للعالم..حالة
ولا بعرف مرة إتصور
...
دا لان الكوكب عالة
والكوتشي معدشي ينور

ماتزعلش مني ماليش نفس أعلق

حزين جداً على المنتدى

يكفيني مرورك يا أ/طارق
وربك يصلح الأحوال

» أنا الحرف اصطفاني للكلام