ميزو وبحيرى وحوثى وداعش

انتا العالم بينا يارب

وحدك ساكن جوا القلب

مهما قالوا ومهما عادو

مين غيرك هيزيح الكرب

مين قادر غيرك يهدينا

من شر الاعداء يحمينا

ويثبت فى الخير اقدامنا

بدعيلك تنصرنا يارب

اعداء ياما باسم الدين

على كل القنوات طالعين

ميزو وبحيرى وغيرهم ياما

خربوا فكر وعقل الشعب

خلو المسلم حوثى وداعش

والمذهب ركنوه على الهامش

اعداء لبسين توب العفة

وحبيبك ماسلم من السب

وانتا العالم وانتا الشاهد

عمر الحق ما يوم كان باهت

وطريقك كلنا عرفينه

نضج العقل وطهر القلب

عمر الحق مايوم كان باهت

صدقت اخى الشاعر احمد الحارونى

اسجل إعجابى وتقديرى لحرفك الجميل

طاهر طاهر كتب:: عمر الحق مايوم كان باهت

صدقت اخى الشاعر احمد الحارونى

اسجل إعجابى وتقديرى لحرفك الجميل

الشاعر الججميل / طاهر طاهر

اسعدنى مرورك البهى

وردك العطر الندى

دمت فى خير حال