ما تروحش لله

ما تروحـش لله

ارجع  حىّ
متزوّق بعافيتك
وكفوفك ضىّ
اسمك
على جسمك سكر
موش يافطة لشارع
أو بيت مهجور
مين غيرك
هايخطّى بأحلامنا لبكره
من يزرع حواديتنا بفكره
مين علشانه نحبّ ونكره ؟
مالنا
ومال المماليك
أوديك
اتخاصم مع ديك
لساك ما فتحتش دنيا
فاتمهل
واملا جيوبك حكايات
إيه بعدك
تفرح له عيون ؟
لو ضحّت بيك الأوطان
واتزف على دفاها جبان
تتكسّرجوانا الريح
والراح
حتى ان غنوا
وقالوا :
        شــهـــــــــيـد .
 حلفتك بالحلم
الساكن فى جبينك  
ما تروحش لله
قبل ما تقضى
الديــن
اللى علىّ
---------