حبيبة بابا ألموسه

في يوم واحد

من الايام

صحيت من النوم

علي

عايط

لقيت ألماس

حبيبتي ياناس

حبيبة بابا

زعلانة

اجيبلك ايه ياروح بابا؟

قالتلي انا عايزة مكرونه !!!!!

في نص الليل !!!

وانا نايم

دي قصداها

تصحيني

خلاص نامي

عشان خاطري

انا اسف

عشان اقدر

اروح الشغل ياحبيبتي

قالتلي

مليش انا دعوه

يابابا انا عايزة مكرونه !!!!!!!!

حاولت اشاغلها بالايباد

جبتلي

اغاني  ماتعـــــــــــدش

طيور    جنه

علي كراميــــــــــــش

تسيب غنوه

وتدخل تاني

علي غنوه

ومن ماما جابت بيبي لحد

اسناني يابابا بقت واوا

مبتملـــــش  

انا استهال

صداع جبته انا لنفسي

ياريتني  عملت مكرونه

كفاية خلاص  يألموسه

ياحتة بنت مفعوصة

ترد تقولي

هــــــــس كلام

وعاوزة تنام لي

ف الحمام

أزعلها – أسايسها

مفيش فايدة

شقية ملخبطة الدنيا

ونار قايدة

يابنتي دا عيب

وميصحش

تقول حاضر

متعملشي

وبتغنيلي غنيوة

علي كرشي

وأقول عادي

ماشاء الله

يفاديها

ويحميها

وتكبر ليا ألموسه

واشوفها في تالته إعدادي