رثاء شهداء شمال سيناء

رساله من شهداء سيناء
رثاء الابطال (برجاء القراءه باللغه العاميه)

وفتحت عينى للنهار ............. ووقفت لابس بدلتى
مانا غبت طول الليل اهندس هدمتى
واحلم بساعه اذن بدري من وحدتى
بس الضمير حاكم قوى صعبان على اسيب زمايل غربتى
وسط الحدود واقفين بنحمى بعضنا نقسم مابينا لقمتى
صوت القياده ................اهه خلاص نازل يافندم جاهز تمام لمناوبتى
فاضل ساعات وهتنتهى اليوم خدمتى
واخد اجازتى وارجع لاهلى وصحبتى
واحكي لاقرايبي..... اليوم حمينا ارضنا واشوف دعاهم تزيد معاهم ضحكتى
واقول لامى ماتخفيش اهلى هناك شايف مابينهم محبتى
واحضن ولادى واشوف ف عبنهم الامل حابب عشانهم شغلتى
حابب اكون حامى الوطن ودى خدمتى
وفجأه كان الضوء رهيب وسمعت صوت بيقول بحزن مات الشهيد
والناس بتجرى ناحيتى
حاسس بنار الغدر تحرق جتتى
شايف ملايكه شايله روحى للسما ................الناس حزانا وانا فقمه فرحتى
الناس بتبكى لفرقتى
وهناك بعيد واقف مزيع يحكى تفاصيل قصتى
وفصوته حزن من غير دموع عاجز يوصل حرقتى
يلى انت شايل بين الورود خشبه عليها جثتى
امانه وصلها لاهلى وعزوتى
ابنى فاديكم علموه ان الوطن اغلى ميراث تركه ابوه
مكان ما يبنى فيه.......................... هتكبر جنتى

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب