ولسة جوانا الحياة

[center

]ولسة جوانا الحياة

زهرة تدبل
زهرة تطلع
تيجى بالصبح الجديد
كل شمس وليها غنوة
كل صبح وفيه جديد
يا صديقى ف كل مطرح
افتح الصفحة اللى فاتت
شوف حكايتك فيها إيه
وابتدى الصفحة اللى جاتك
حلم صح
وسير عليه
كله زايل وانت راقى
النهاردة والف بكره
احترم ارجوك وجودك
اوعى تتعدى حدودك
كل شمس ضياها منا
كل لحن ولينا غنى
إحنا أصحاب الربيع
لسة جوانا الحياة
يا سلام لو ييجى بكرة
زى ما بحلم يكون
تنطفى فيه الدموع
يلبس الكون الأمان
يصبح الانسان حميم
صدره يبقى كون رحيم
يا سلام يا ولاد بلدنا
لو بلدنا تكون بلدنا
كانت الأحزان تبور
والنهاردة
قبل ما يدبل
يحنى
شمس بكره
بشىء جميل

[/center]