هبدأ اعيش

موضوع: هبدأ اعيش الخميس أغسطس 28, 2014 1:41 pm

ف قلب المدينة
بعيد عن مارينا
وكل المداين
بتاعة ولاد الأبالسه الكبار
هعلق على ضهري يافطة كبيرة
وهكتب عليها ( #مجرد_حمار )
بيحلم ببكره
وشمسه اللي طالعه
مجرد حقيقه تشق النهار
تنور قلوب الحواري العطاشى
لحبة حقيقة في ظل الحصار
في ظل السكوت اللي كاتم نفسنا
وصمت العيون اللي بيداري عار
حبيبتي بحبك
وحبك معلم ف قلبي لأني
مجرد حمار
ف قلب المدينة بيحلم ببكرة
وبكره اللي طالع تملي انتظار
تملي بنحلم
وعمر التملي وعمر التمني
ما حقق ف مرة أي انتصار
ف قلب المدينة
دموع العجايز
ودم الغلابة معبي ف أزايز
تقولي بتحلم
هقولك دا جايز
ولكن بحلمك هتفضل عبيط
يا صاحبي المواطن
دا حلمك بليد
ف خدلك نصيحه
وخد يافطة مني
وعلق عليها أوام الشعار
( #مجرد_حمار )
ف قلب المدينة
بيحلم ببكره
ويستنى بعده
وبعد اللي بعده
وأيامنا جايه ماليها الغبار
حبيبي بحبك وحبك معلم
ف قلبي لأني مجرد مجرد
وآخر كلامي هقولك يا صاحبي
بأني بصراحة باموت مش ب اعيش
لأن البلد دي بيحكمها دايما
جناب #الفريق أو سعادة #الشاويش
وشلة عفانه خدوها بخيانه
ومزة وإزازة
ونفسين حشيش
ف لازم أجرب أكون مرة راجل
يا إما #الكرامة يا إما #الشهادة
وخلي #البيادة ل #عبد_البيادة
ولو مرة صادفت رصاصة صابتني
هقولها بشجاعة
بأني ساعتها #هبدأ_أعيش
.
ف بطل تقولي بإن احنا إخوة
وإن اللي بينا مجرد خلاف
لان اللي بينك وبيني مقارنة
ما بين الزنا وبين العفاف
. . . . . . . . .
قصيدة
لأخي وصديقي الحبيب
#علاء_جمال

موضوع: رد: هبدأ اعيش الخميس أغسطس 28, 2014 2:01 pm

في البداية أنرت المكان أخي
قصيدة بديعة
ورائعة
وتسلسل بلا عثرات
لكن لي سؤال

القصيدة لأخي وصديقي الحبيب .علاء جمال ..بمعني إهداء له أم هي من تأليفه
في النهاية استمتعت بتواجدي هنا

موضوع: رد: هبدأ اعيش الخميس أغسطس 28, 2014 2:04 pm

عماد عبد الحكيم كتب:: في البداية أنرت المكان أخي
قصيدة بديعة
ورائعة
وتسلسل بلا عثرات
لكن لي سؤال

القصيدة لأخي وصديقي الحبيب .علاء جمال ..بمعني إهداء له أم هي من تأليفه
في النهاية استمتعت بتواجدي هنا

ربنا يكرمك يا أستاذنا
هي من تأليفه

موضوع: رد: هبدأ اعيش الإثنين سبتمبر 22, 2014 3:58 pm

قصيدة رائعة بلغ صديقك مني تحياتي وتقديري وتحياتي لشخصك الكريم علي جمال ما نقلته لنا.

دمتما بكل ود

» قدرت اعيش
» عايز اعيش
» نفسى اعيش
» اعيش موجوع
» هقدر اعيش