فكيت ضفايري

 
((((فكيت ضفايري))))))))
دموعي جرحاني....افراحي نسياني
.....احزاني تسأل عني.....
عماله اقول تاني....ادوق الالم تاني
....كأنه لساه هاجرني
مش عارفه ليه انا وانت.....سبنا بعضنا
وايه كان اللي حصل ....وخلى الفراق حلمنا
كل اللي انا  فكراه ....حلمي اللي حلمته
لما فكيت ضفايري.....ده انا حتى شعري سيبته
ولبست طرحة فرحي....وغنيت انا اللي حبيبته
وقريت قصص عشااااق.....وكلام الهوا قلته
ودموعي كانت م الفرحه بتشتاق....لما يتذكر اسمه
واحس رعشه بايدي لحظة فراق....وادوب ف الهوا ورسمه
ده اللي انا فكراه....ده اللي انا عيشاه
هيا دي احلامي....ده انا عمري ما حنساااه
لكن اتبدلت فجاءه....ايامي وزماني
لقيتني مش فاهمه....ليه حظي رماني
حتى شعري السايب.......لقيته بقا شكل تاني
وايدي بقت تترعش....بس من كتر جراحي اللي وجعاني
اااااه منك بالاوي...........ااااااااااااه منك يازماني
بسهر انا وبين الشوارع.......اتمنى اشوف سكنك
بين الاسى والمواجع.....ادور على ملامحك
اقول لو لحظه اشوفه......طب حتى اسمع اسمك
القا حالي كده .....بكتب للهوا عنك
واقول لساه فاكرني.....او لسه فاكر اسمي
لو كان هوه نساني.....ده انا ف الهوا رسمي
انا اللي كانت عيني ف السما.....بتنور لكل الناس
وياما قلوب عليا تدور.....وتسألني عن الاحساس
واما ملت اليه....نساني كل الناس
وف عز فرحي نساني.....وعلى قلبي اللي حبه داس
انا انسانه بتحبك.....من بين كل الناس
و....فكيت ضفايري....
للشاعره نجوى الحاروني

اشكرك استاذي الجليل على نصيحتك الغاليه