جرب تحلم

جرب تحلم
احلم تاني وتالت
حاول تتحرك
الكون مش ثابت
لسه بتحلم ولا صحيت
لسه لسانك عامله حصانك
لسه كلامك ماسكه لجامك
لسه بتحلم تلقي النور وسط الضلمة
لسه الشمعه فى ايدك مش لاقي الكبريت
مش من اول حلم
حاول تحلم تاني وتالت
لسه بتحلم ولا صحيت
حاول تطلع من جوه الحيط
ارسم احلامك بايديك
ماتغمضش عينيك
حاول تحلم صاحي
وان ما وصلتش جرب تحلم تاني
واسهر مع حلمك صباحي
ولو صادق
اطلع من جوه الخندق
مش ناقصة خنادق
وطنك مش فندق
ماانتش ضيف
سيادتك صاحب البيت
لسه بتحلم ولا صحيت
جرب تحلم تاني وتالت
ماتقفش مكانك الكون مش ثابت
احبي .. امشي
اجري .. سابق
اوعي تنافق
اوعي تراهن على حلمك
فى دورين كوتشينة ع المشاريب
اياك تشرب خمرة ياسك
وتعيش سكران وسط المجاذيب
اغزل حلمك واقع
وماتهربش من الواقع
دافع عن نفسك
اتشعبط فى القفة وادخل جواها
يعني الناس جواها أحسن منك
وان ما عرفتش ماتقولش ياريت
جرب تحلم تاني وتالت
لسه بتحلم ولا صحيت

عادل عوض سند كتب:

                ودائماّ أخى احمد نحلم ..
فكل الحقائق والتى تحققت على ارض الواقع
هى فى الأصل احلام .
سلم حرفك وقلمك .
مودتى وتحيتى ...                                                      

انا بحاول اتعلم منك التفاؤل

اشكرك استاذي العزيز عادل عوض سند

تحياتي وتقديري واحترامي ومودتي

الاخ الاكبر احمد رجب
استاذى الفاضل
اوﻻ وحشتنى ووحشتنى كلماتك الجميله
واعتذر عن غيابى لانشغالى
وافتخر انى شرفت بان يكون اول تعليق لي بعد عودتى على احدى روائعك
دمت رائعا ودامت كلماتك

محمد بديوى كتب:

الاخ الاكبر احمد رجب
استاذى الفاضل
اوﻻ وحشتنى ووحشتنى كلماتك الجميله
واعتذر عن غيابى لانشغالى
وافتخر انى شرفت بان يكون اول تعليق لي بعد عودتى على احدى روائعك
دمت رائعا ودامت كلماتك

صديقي العزيز محمد بديوي وانت اكتر والله فينك ياشاعر
الفخر لي ان يزين متصفحي توقيعك
دام الود تحياتي واحترامي

أحسنت يا صديقي


دمت مبدعا

عاطف عبدالعزيز الحناوي كتب:

أحسنت يا صديقي


دمت مبدعا

صديقي الرائع عاطف الحناوي
تعلمت الابداع منك
دمت بخير

الحلم والامل قرينان ان غابا اظلمت الدنيا... دمت بكل ود اخي الشاعر ودام ابداعك

احمد عبدالعزيز كتب:

الحلم والامل قرينان ان غابا اظلمت الدنيا... دمت بكل ود اخي الشاعر ودام ابداعك

اشكرك صديقي العزيز
تحياتي واحترامي