مفيش حاجة ....بتستاهل

بتستاهل
خطوط مرسومه فوق ورقة
تطبقها.....
وتحرقها
وترجع تاني تعشقها
وتندم انها فاتت
وعدت صدفه بالساهل
بجد بجد صدقني
مفيش حاجه بتستاهل

---

بسيط ..
كان حلمنا دايما
لا مرة حلمنا بالسلطة
ولا الخلطة
ولا ..كنا في يوم احزاب
لا حزب شمال
ولا ايمن
بسيط كان حلمنا دايما
--
حلمنا بضحكة نرسمها
لأطفالنا
وننسي صدفة ترحالنا
ف أحزانا
ونلقي سكة الفرحة
بتصفا لنا
وأطفالنا
تلاقي لحلمها مأمن
بسييييط ...
كان حلمنا دايما
ولكن لما يتبدل
ويتبهدل
ويتاكل.
فتسألني....
يجاوبك قلبي بسذاجة
مفيش حاجه...
بتستاهل!!
وابدأ من جديد تاني
وارسم دنيا عجباني
وأعشق
قلب مش أبيض
عشان في الظلم يلقاني
وينجدني
لقيت القلب ذات نفسة بيرفضني...!!!
عشان قلبي
لا يعرف عمره يتلون
ولا يكون
خطوط في الوش مش منه
ده مع أنه
بيتعذب
ومتذبذب
مابين الشهم والقاتل
فبيقولي
بلاش تحرق ف أعصابك
دي كل الدنيا تلاجه
بجد بجد صدقني
مفيش حاجه...
بتستاهل

كتبتها قبل عام 2010

صدقنى يا صاحبي وزى ما قولتك
انت بس اللى عماد عبد الحكيم
عمل زى دا يا صاحبى متستكترش يعيش معاك من 2010 بس
دا بالنسبه للى بيفهمو . نص يعيش حياه
أحسنت يا شاعر
والقديم مش أقل م الجديد

أخي العزيز الشاعر /أحمد عطا
أنتظر كلماتك أخي
وتعليقاتك
أتمني أن أستحقها
لا حرمني الله منك

الشاعر الجميل
عماد عبد الحكيم
جمال شعرك انك تكتب عن وعى وفهم للموضوع الذى يلح عليك .
ثم تطرحه بمهارة الشاعر المتمكن الذى يعى ماذا يكتب .
نص جميل يرفع من رصيدك عندنا .
مودتى وتحيتى ...

أستاذي العزيز الشاعر / عادل عوض سند
كلمات أتمني أن أستحقها
وجودك يضئ المنتدي
ويضئ ركن العامية
حفظك الله أستاذنا من كل سوء

لكن القصيدة فعلا تستاهل ... اسجل اعجابي بجمال حرفك

أخي الكريم الشاعر / أحمد عبد العزيز
لا أعلم كيف لي أن أوفيك حقك علي هذا التشجيع أخي
دام تواجدك أخي

» كل حاجة مزعلاني
» حاجة
» مدينة مفيش
» مفيش وقت
» مفيش مبداء