ومـــين هـايـنـفــــع ؟

وقضيتـي عـمـرك تحنـي علـيَّـه
ووضيتي قـلـبك وحبـك عشــاني
وصنتي ودادي ونسيتي القـسيَّـــه
وكنتي لقصـيدتي جمال المعانــي
ولحن الأغاني اللي فاتت وجايـه
وقضيتي عــمـرك تحني علــيَّــه
وعمري المسافـر سنيـنه مهاجره
وإكمني شاعر ونفسـي دي قادره
ف عايزالها زجره ف نن المشاعر
واعرفـها : إنك مـسـيرك مغادره
فلمـي يا غـادره وحسـي مابيَّــــه
وقضيتـي عـمـرك تحني علــيَّـــه
وسخرت قلبك يحـمحــم ويحمــي
ف قلبي المشاغب برغم القــساوه
بكل الـهداوه يـهــمهــم بإســمــي
يحسن ف رسمـي فأزداد غـــلاوه
وطــبــب وداوى ف نفسي الشقـيه
وقضيتـي عــمـرك تحنـي علـيَّـــه
دموعك يا قلبــي بتحـرق فـــؤادي
ما هو انت اللي بادي بكل الجمايل
وإنت اللي حاسس بهمــي وسهادي
وعارف ودادي ودمعي اللي سايل
ومازلـت شـايـل وتـمــسـح عـنـيَّـه
وقضيتي عـمـرك تحنــي علــيَّــــه
تعـب نبضـه واهــــن بفعل السنين
وجـاله الأطــه يـزيـدوا ف وجيبــه
يـهـدوا ف نحيبه .. يعالجوا الأنـين
ولكـن دا مـين هـايـنـفـع طـبـيـبـه ؟
غير انت اللي حَبه سنـينــه العـفيَّــه
وقضيتــي عــمرك تحنــي علــيَّـــه

اخى الشاعر
نصر الدين سالمان
مرحبا بك وعود احمد
غبت عنا كثيرا .
حمدا لله على سلامتك .
مودتى وتحيتى ...