شروق الشمس

شروق الشمس
..................

خلاص هانت
وظهرت رؤيتى وبانت
وشفت الشمس فى شروقها
وكان نورها
شعاع مكسوف
بيحكى شوية عن زوقها
وعن حبة قلق على خوف
وفجأة
وفجأة سحابة بتعدى
وبتدارى على نورها
لكنى شفت منها شعاع
وزاد القول على شمسي
وناس قالت
سحابة عليها بتغطى
دا يعنى ضياع
مصدقتش كلام الناس
وقلت الوهم دا وساس
شروق الشمس مش لعبه
دا متقدر
ومحتاج حد بيقدر
وانا بس اللى متأكد
وكل الدنيا بتعارض
وبتقول دانت متخدر
وفوق قبل اما تتكدر
وانا مكابر
وبتحدى عقول الكل
وعامل نفسي قال صابر
واقول دا سحاب بسيط عابر
وطال الوقت والغمه
ملازمه الشمس حرساها
ومانعه النور يزغللنى
وحاسس إنى بنساها
ولما انده مبتردش
واقول يمكن أكون أطرش
ومش سامع
ويمكن بردو اكون أعمى
ومش شايف
بريقها الساطع اللامع
لكن دايما بحس حرارة تحرقنى
أقول هيا
وبتعاكس كمان فيا
وأعمل نفسي عمرو دياب
واعاكسها بأغنيه
وبردو الشمس متردش
أعشم نفسي إن الشمس مكسوفه
وطبعا نفسها تشوفنى وحيرانه وملهوفة
ولازم كل شيئ بمعاد
ولجل القرب ما يحلا
لازم يسبق حلاوته بعاد
ووقت ما جه أوان الوعد والمقسوم
وقام الريح وزحزح فى السحاب حبة
وشفت بعينى خيط أصفر دليل مرسوم
سمعة بودنى كام دبة
وصوت واضح جميل مفهوم
بيهمسلى وبيخبط على كتفى
دا صوت أمى وكات جايه
تقول لى يلا صحى النوم

اخي العزيز الشاعر / احمد عطا
عمل جميل اخي
وخاتمة اروع
انتظر جديدك دائما

الله على الجمال والروعة

بجد شعر بكل معنى الكامة

صدقنى من غير فصحى وبلاغة

أنت جميل

دمت بروعة

عماد عبد الحكيم كتب:

اخي العزيز الشاعر / احمد عطا
عمل جميل اخي
وخاتمة اروع
انتظر جديدك دائما

الأخ الكريم . والصديق الصدوق
الشاعر المختلف أ. عماد عبد الحكيم
سعدت كثيرا بمرورك
وتعليقك
تقبل ود واحترام أخيك
ودمت بكل خير

منصور غيضان كتب:

الله على الجمال والروعة

بجد شعر بكل معنى الكامة

صدقنى من غير فصحى وبلاغة

أنت جميل

دمت بروعة

مشكوووور أستاذى الشاعر المحترم أ . منصور غيضان
على رقة همساتك .
ويارب أكون استحق فعلا هذه الشهادة
شرفت صفحتى
لك منى كل الإحترام والتقدير
ودمت بكل خير

عاطف الجندى كتب:

أبيات جميلة
استمتعت بها
أحسنت شاعرنا الراقي
أحييك وأسجل إعجابي بنصك الجميل

المبدع والنبراس
أ . عاطف الجندى
أستقبل مرورك وكأنه برقية تهنئة
وتعليقك دفعه معنوية قوية
وشهادة صلاحية لكتاباتى المتواضعه
فلا تحرمنا من رقيك
تقبل إحترامى
ودمت بكل خير

دام ابداعك وتفرد قلمك اخي الشاعر ... دمت بكل ود