معالى المعلم

معالى المعلم علينا .. أوامرك
نقيدلك صوابع إدينا .. بأمرك
نقاطع عيالنا . ونيجى بعبلنا
ونهتف وندعى يطول ف عمرك
.
جناب المخوف رصيف الشوارع
يا عاقل وطيب وفى الكهن بارع
يا قادر تغير معالم تاريخنا
وتقلب ماضينا تخليه مضارع
.
أنا جى اهنى واقولك مبارك
وارقص واغنى وازوق حمارك
وادلع جنابك . وألحس ترابك
وأكنس وأمسح سلالم فى دارك
.
سيادت المفكر حبايبك حبايب
وقلبك معاهم وفى الحب دايب
وفاكر قلوبهم بتتمنى فرحك
سامحنى جنباك . كدا تبقى خايب
.
دى فرقه بتلعب بخطة دفاع
وهجمه ف هجمة بيسقط قناع
ويكشف وشوشهم . متبقاش عارفهم
وتتباع فى لحظة لأصغر بتاع
.
جناب الموفر علينا تعبنا
مخلينا نلحس فى عضمة كلابنا
أمانه يا جامد . تكون بس صامد
متعملش زى الجناب اللى سابنا
.
معالى المكتف لسانا وإدينا
وصيتك مسمع فى مطروح وسينا
وكل اللى بينهم . وحاكم زمانهم
سامحنا يا سيدى وحقك علينا
.
وهنعيش تملى ننفذ أوامر
وأحمد وجرجس وميرفت وجابر
أملهم رضاك . وصوتهم معاك
خدودهم مداس العظام الأكابر
.
وهات لينا ميه بدال اللى راحت
وطهر بلاوى الفساد اللى فاحت
وجوز صباح . وعالج صلاح
وطيب جروح الغلابه اللى ناحت
.
وخلى جنيهنا يعدى الدولار
وأكلنا لحمه وشربة خضار
وعلم عيالنا . ورجع أملنا
وهات الفلوس م الحرامى اللى طار
.
ووفر لبيتى سيخين الحديد
وأمبوبه حلوة بمحبس جديد
وصندوق زباله ينضف شارعنا
ومستشفى تنفع تعالج مريض
.
وبحبحها حبه على المطحونين
موظف . صنايعى . مجند . أمين
وكفى بيوتهم . بزادهم وقوتهم
وحاول تحلى مرار السنين
.
ساعتها سيادتك هجيلك بنفسي
وافصل مقاسك على أحلى كرسي
واقول دا المعلم . وقادر يعلم
وداهيه لا ترجع تاريخك يا مرسي
.

أستاذى الشاعر الوطنى المشاكس
أ . عادل سند
شكرا لمرورك الكريم وتعليقك المحفز الذى أنتظرة بشغف دوما
لا حرمنا الله من عذب فيضك

يبدو أن هناكخطأ ما . فالقصيدة لم تثبت بعد

عادل عوض سند كتب:

آسف بالفعل نسيت ان اقوم بالتثبيت ..
معذرة وتقبل مودتى ...

مشكور أستاذى على الإهتمام والمتابعه
وصدق صديقى وأخى الشاعر . عماد عبد الحكيم عندما قال أن المنتدى ينتعش فى وجودك
فرجاءا لا تتأخر كثيرا
وتقبل منى وافر الإحترام والتقدير

أخي العزيز الشاعر / أحمد عطا
أعمالك ككل تغوص في الموضوع
وتمسك بزمام القصيدة من بدايتها حتي نهايتها
بالطبع قرأتها بمجرد نشرك لها
عمل جميل أخي
وانتظر جديدك

عماد عبد الحكيم كتب:

أخي العزيز الشاعر / أحمد عطا
أعمالك ككل تغوص في الموضوع
وتمسك بزمام القصيدة من بدايتها حتي نهايتها
بالطبع قرأتها بمجرد نشرك لها
عمل جميل أخي
وانتظر جديدك

لا حرمنى الله من تواجدك أخى الشاعر الحكيم . عماد
كل عام وانت طيب

طارق منيب كتب:

كالعادة جميل ومتنوع .. وصاحب فكر عميق

تقبل مروري وتقديري

مرورك شرف أفتخر به أستاذى
دمت لى مشرفا ومحفزا
وكل عام وحضرتك طيب

شكرا لك صوتك الموضوعي الذي غلب فيه صوت العقل على صوت العاطفة والإندفاع
راقني المرور على هذا النبض الدافيء والشعر الماتع

النص اكثر من رائع وفاضح اكثر من ناقد لنسخة مبارك والنهاية اعجبتني

والطرح طبعا والوزن من البداية للنهاية انت بارع فى المبني والمعني

تحياتي .. وتسلم الانامل

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب

وخلى جنيهنا يعدى الدولار
وأكلنا لحمه وشربة خضار
وعلم عيالنا . ورجع أملنا
وهات الفلوس م الحرامى اللى طار


الشاعر المحترم /احمد عطا

زجل أقل مايقال عنه انه           تحفه فنيه    تحس كده انك مش بتقرا شعر تحس انك بتاكل طبق كشري لذيذ ومش عاوزه يخلص . ضحكتني بجد زجلك فيه خفة ظل  تقبل مروري  وهتابع اعمالك لانك مبدع    تسلم ايديك

أحمد عطا كتب:

معالى المعلم علينا .. أوامرك
نقيدلك صوابع إدينا .. بأمرك
نقاطع عيالنا . ونيجى بعبلنا
ونهتف وندعى يطول ف عمرك
.
جناب المخوف رصيف الشوارع
يا عاقل وطيب وفى الكهن بارع
يا قادر تغير معالم تاريخنا
وتقلب ماضينا تخليه مضارع
.
أنا جى اهنى واقولك مبارك
وارقص واغنى وازوق حمارك
وادلع جنابك . وألحس ترابك
وأكنس وأمسح سلالم فى دارك
.
سيادت المفكر حبايبك حبايب
وقلبك معاهم وفى الحب دايب
وفاكر قلوبهم بتتمنى فرحك
سامحنى جنباك . كدا تبقى خايب
.
دى فرقه بتلعب بخطة دفاع
وهجمه ف هجمة بيسقط قناع
ويكشف وشوشهم . متبقاش عارفهم
وتتباع فى لحظة لأصغر بتاع
.
جناب الموفر علينا تعبنا
مخلينا نلحس فى عضمة كلابنا
أمانه يا جامد . تكون بس صامد
متعملش زى الجناب اللى سابنا
.
معالى المكتف لسانا وإدينا
وصيتك مسمع فى مطروح وسينا
وكل اللى بينهم . وحاكم زمانهم
سامحنا يا سيدى وحقك علينا
.
وهنعيش تملى ننفذ أوامر
وأحمد وجرجس وميرفت وجابر
أملهم رضاك . وصوتهم معاك
خدودهم مداس العظام الأكابر
.
وهات لينا ميه بدال اللى راحت
وطهر بلاوى الفساد اللى فاحت
وجوز صباح . وعالج صلاح
وطيب جروح الغلابه اللى ناحت
.
وخلى جنيهنا يعدى الدولار
وأكلنا لحمه وشربة خضار
وعلم عيالنا . ورجع أملنا
وهات الفلوس م الحرامى اللى طار
.
ووفر لبيتى سيخين الحديد
وأمبوبه حلوة بمحبس جديد
وصندوق زباله ينضف شارعنا
ومستشفى تنفع تعالج مريض
.
وبحبحها حبه على المطحونين
موظف . صنايعى . مجند . أمين
وكفى بيوتهم . بزادهم وقوتهم
وحاول تحلى مرار السنين
.
ساعتها سيادتك هجيلك بنفسي
وافصل مقاسك على أحلى كرسي
واقول دا المعلم . وقادر يعلم
وداهيه لا ترجع تاريخك يا مرسي
.

الشاعر المبدع "أحمد عطا"
نص جميل
فكرني بقصيدة ياشعبي حبيبي لأحمد فؤاد نجم
أتمنالك دوام التوفيق
تحياتي

والله زمان يامنتدى .. روحتوا فين ياشعراء