موّال بنت مصرية

موضوع: موّال بنت مصرية الخميس مايو 15, 2014 7:38 pm

رحم الله زمانا كان الشعر فيه يأتينا سلسا عذبا مريحا وممتعا متى ارسلنا له دعوة لباها مطيعا فرحا بلقائنا وأنا أتصفح أرواقا ماضية عثرت فيها على هذه القصيدة التى كانت مقدمة لإحدى مسابقات وزارة الإعلام وهى على لسان فتاة

موّال بنت مصرية

رغم انه ما هوش أحسن منى
وما هوش بيصوم ولا بيصلّى
ولا كفّه دا خاتم سليمان
ولا طلع الشمس وكات عرشه
ولا دقّ الصخر وجاب ميّه
وماهش مخلوق كائن راقى
بتدوسنى وترفع أغصانه
ليه تبعد عن قلبى شقيقى
وتفرّق فى الرحمة ما بيننا
ترويه بأغانى وحريه
وتكسّر ريحى وريحانى
وانا عمرى يا عمرى
ما كدّرتك
ولا سبتك فى الصحرا تعانى
سلّمت لكفك أحلامى
وباسير وانا شايفاك قدامى
ليه تحجز ضيك عن عينى ؟!
وان غبت ما تندهش علىّ
إيه ذنبى عشانه بتهملنى ؟!
عن قلبك ليه بتزيح وشى ؟!
وحدك لا سفينتك هاتسير
ولا كفّك هايصدّ الغير
ما تقولش الشمس ماهش فجرك
أو جاريه تسلمها لغيرك
موش ناقصة البنت فى حكمتها
فيه ياما خرايط رسمتها
وحمتها من الطير الجارح
موش شايف البنت
اللى فى ريحنا
علّمها أبوها وكبرها
غذّاها بفكره وحنانه
دلوقت ان وقفت فى مكانه
الكل بيقرا له الفاتحة
القسوة بتقصف أحلامى
باتحسر والعن فى مرايتى
وانا شايفاك بتغنى لغيرى
أنا زيّه وزيك إنسانه
علمنى يا بويا ونوّرنى
واخلع عن صدرك كراهيتى
خششنى فى حلمك أرجوك
وانا اكون لك فى الشدّة معين
بجناينك غيرى ماهوش أولى
قرّرت فى حقى ماهاتنازل
ولا أسيبك وحدك ترسمنى
----------------------
عبدالرحمن محمد احمد
نجع حمادى – السباقات

أحسنت أخى عبد الرحمن
كنت هنا وسعيد بما قرأت
صباحك شعر
دمت بكل خير

استاذ عاطف سعادتى بمرورك كبيرة
وبهجتى بسعادتك بما قرات لا حدود لها
شكرا لك

الشاعر الجميل
عبد الرحمن محمد
قصيده تُحسب لك بالفعل وجميله .
اشد على يدك واحييك .
مودتى وتحيتى ...

استاذ عادل
شكرا لكلماتى لأنها فازت باعجابك
وشكرا لقلبك النبيل ووعيك الراقى على مجاملتك الحنونة

» بنت مصرية
» موّال جنوبي
» عن قريب هيعطبروها..!!،،،موّال الحُزن ِالأسودْ..!
» واللى مايحِسِّ الحمارْ!!.موّال حَمّارى تواصل مع (ماشى ليه )
» يبقى مليش فى السعد نصيب!.،،موّال أخضر لمصالحة حبيبى عادل عوض