والله وحشانى

تكونيشي فهمانى
باتمنى من تانى
حبل الهوى يتمد
ويلف أحضانى ؟
.
لو كنتى فكرانى
عايش على كيفك
بتمنى اشوف طيفك
يبقى انتى فهمانى
يبقى انتى حسانى
.
أصل انتى حفظانى
يعنى بدون كلمه
وف عز ليل ضالمة
شايفه وسمعانى
.
وان كنتى سمعانى
طب ليه منرجعشى
قطر الحياه بيمشي
فاتك وعدانى
.
نستنا ليه تانى
دانا شفت ألفين لون
متلونين فى عيون
وانتى اللى وخدانى
.
والله وحشانى
عارف أكيد إنك
رغم البعاد عنك
هتعيشى فكرانى
أصل اللى كان بينا
فى نهارنا وف ليلنا
معرفتهوش تانى
معرفتهوش تانى

أخي العزيز الشاعر / أحمد عطا
ممتع
وخاتمة رائعة بصدق
في انتظار جديدك أخي