حلم عادي

بلادي بلادي بلادي
كل حاجة فيكي عادي
عمناول زي السنة دي
وامبارح زي الساعة دي
الآعادي هما الصحاب
والصحاب هما الآعادي
اللي عاش زي اللي مات
واللي مات راح بلاش
واللا بلاش نجيب السيرة دي
علمونا فى المدارس
كل شئ يجوز وجايز
و اللي واقف زي اللي جالس
و اللي حاضر زي اللي غاب
وان السؤال فى الامتحان
مش محتاج علام محتاج جواب
وان الإجابة ما بين قوسين
.......حادي ........ بادي
واللي عدي زي اللي عاد
................كله عادي
فهمونا فى المشافي كله شافي
وان علاج المغص مفيد للصداع
وان ودهان البرص ينفع للقراع
وان اللي مات فى الطابور
زي اللي مات فى السرير
لإن فى بلادي العجيبة اللي
من طبعها بوس الآيادي
الأول زي الأخير
.............كله عادي
وان اللي مات فى الشوارع
والجوامع والجامعات
قضا ربنا ، عمره أنتهي
ولو ماكانش مات بالرصاص
أو تحت عجل الدبابات
كان برده مات وفى ذات الساعه دي
يبقي طبيعي موته عادي
وان اللي جوه السجون زي اللي بره
لإن اللي بره هيبقوا جوه
واللي جوه هيبقوا بره
ومرة فى مرة
اللي جوه واللي بره
هيبقوا عادي
نفسي يا بلادي الكريمة
ياللي كل حاجة فيكي عادي
إني أحيا فيكي عادي
إني أحلم فيكي عادي
إني أحس فى يوم بإني
لي قيمة مش شخص عادي
حتي حلمي .. حلم عادي
# ابن معيط

عادل عوض سند كتب:

                           من حقنا ان نعيش فى وطن اخى احمد
يحاط به الأمن والأمان .
وبه قانون وبه حكومه قويه ورجال يخافون الله ويحبون الوطن .
وإن شاء الله كل هذا سوف يتحقق بالصبر ولنضع مصر نصب اعيننا .
مودتى وتحيتى ...                                                                    

اتمني اكون متفائل مثل استاذي عادل عوض سند واذ كان على الصبر فلا نملك الا غيره والثورة لم تقوم من اجل الامن والامان فقط قامت من اجل حرية وعيش وعدالة اجتماعية وهذا اظن لن يتحقق فى المستقبل القريب اما عن الامن فهم قادرين لا شك فى ذلك على عودته تقديري واحترامي

أخي العزيز الشاعر / أحمد رجب
عمل جميل أخي
وخاتمة جميلة

نفسي يا بلادي الكريمة
ياللي كل حاجة فيكي عادي
إني أحيا فيكي عادي
إني أحلم فيكي عادي
إني أحس فى يوم بإني
لي قيمة مش شخص عادي
حتي حلمي .. حلم عادي
  

عماد عبد الحكيم كتب:

أخي العزيز الشاعر / أحمد رجب
عمل جميل أخي
وخاتمة جميلة

نفسي يا بلادي الكريمة
ياللي كل حاجة فيكي عادي
إني أحيا فيكي عادي
إني أحلم فيكي عادي
إني أحس فى يوم بإني
لي قيمة مش شخص عادي
حتي حلمي .. حلم عادي
  

صديقي العزيز انت الاجمل سعيد لان النص اعجبك
تحياتي ومودتي واحترامي