أنـــا مصر

أنا مصر

أنا الزرع الأخضر

اللى طالع نادى

ونا الهِمه اللى ف إيدين أولادى

أنا النسمه اللى ماليه الوادى

أنا الكلمه اللى منقوشه

جوه التاريخ زنهار

لو دارت الأيام بِيا

وجرحى لو رجع تانى

إلملم روح الطموح فيا

وياليل أخرك نهار

إسأل سنين وزمان

شعبى من الأحرار

ون مال عليه عِدا غدار

روحه  فـِدا ليا

ياغُمه بقى عدى

ويافجر تعالى عندى

وهاتلى ألف نهار

يِدَوْب بحر أحزانى

وشمسى ترجع هنا تانى

تدفى قلوب حبانى

نيلى لساه بيجرى

والجِدر مادد ف أرضى

بيطلع خيرى وقمحى

وبكره يطلع ولد فارس
ع الحما بطل حارس

يعرف حدود الله

ذى التاريخ مايقول

مليون فارس تلقاه

تلاقيه بطل لو عاد

على أرضى الأمان والزاد

زمانك يامينا أهو عاد

توحد الخلافات

طريقك كله ثبات

وتقهر الليمين

عمر العناد لو فات

وعلى أرضنا تايهين

جمر اللهب لو بات

يصبح على أرضنا

فــل وياسمين

عمر الزمان بيقول

مصر الإيمان والدين

وإن حب يجى عزول

يفرق مابين أخين

تلاقى الشهامه على طول

موحده الصفين

هو ده الكلام ..
الله ينور عليك اخى الشاعر الجميل
طاهر الطاهر
تسلم ايدك وقلمك .
مودتى وتحيتى ...