دم الشهيد

    


كل يوم بنموت يا بلدي
وأنتي بصة في حتة تانية
يتنبح صوتي عليكي
تبعدي وتقولي جاية


رايحة فين يا مصر قولي
دم ابنك في الشوارع
جثته وردة ف جنينة
لسه خارجة م الجوامع


اصرخي مرة يا بلدي
رجعي حق الولاد
كل يوم بيموت شهيد
وأنتي شغالة ف عناد


لسه ساكتة ليه قوليلي
ليه ايديكي مكتفين
اتقتل ابنك قصادك
وانتي ساكتة من سنين


عايزة ايه يجرالنا تاني
ده الدموع في القلب نار
دمنا اصبح رخيص
والسكوت ده ذل عار


يللا قومي يا مصر تاني
وارجعي بلدي العظيمة
كسري كل القيود
واصرخي في عيون لئيمة


طفي ناري لو دقيقة
ريحيني م العذاب
يا تجبيلي حق أخويا
يا تدفنيني في التراب

محمود جمعة كتب:

رائع يا بهاء ،،، لي عودة ،، فقط أحجز اول تعليق ثم أعود

الروعة هو مرور حضرتك
لي الشرف بأن يكون اول تعليق لحضرتك

قصيدده جميله ......احييك يا بهاء
دمت شاعر

ابراهيم الشاعر كتب:

قصيدده جميله ......احييك يا بهاء
دمت شاعر

شكرا جزيلا لحضرتك استاذ ابراهيم

محمود جمعة كتب:

ها قد عدت

رباعيات جميلة الفكر والصياغة

أنت تتقدم بسرعة قصوي يا بهاء وهذا يحمد لك

رايحة فين يا مصر قولي
دم ابنك في الشوارع
جثته وردة ف جنينة
لسه خارجة م الجوامع

والله محدش عارف رايحة علي فين يا بهاء لامؤيد عارف ولا معارض عارف

جميلة قصيدتك الرباعية في أنتظار المزيد

خالص الود

شكرا جزيلا لحضرتك دي شهادة اعتز بها ووسام علي صدري

والله الفضل يرجع لاستاذي العظيم استاذ عادل هو اللي دايما بياخد بإيدي

والفضل يعود ايضا الي كل اعضاء المنتدي اللي كل يوم بستفيد منهم

وان شاء الله مصر رايحة علي كل خير بإيد ولادها وشبابها

لقد أطربت مسمعي بهذه الكلمات المتراقصة
على أنغام أبجديتك المميزة بروعة إبداع معانيها
تستحق القراءة مرات ومرات ،لقد حلقت بكلماتك
عاليا وأبدعت باستخدام كلماتك الخاصة
بكل شاعرية وإتقان
لك مني كل الود والتقدير
د. السيد عبد الله سالم
المنوفية – مصر

السيد سالم كتب:

لقد أطربت مسمعي بهذه الكلمات المتراقصة
على أنغام أبجديتك المميزة بروعة إبداع معانيها
تستحق القراءة مرات ومرات ،لقد حلقت بكلماتك
عاليا وأبدعت باستخدام كلماتك الخاصة
بكل شاعرية وإتقان
لك مني كل الود والتقدير
د. السيد عبد الله سالم
المنوفية – مصر

شكرا جزيلا لمرور حضرتك
تعليقك اعطي للقصيدة الجمال والروعة

عادل عوض سند كتب:

                            الله عليك يا بهاء
تسلم ايدك . واراك هنا متجدداّ فكرا وصياغه ووزناّ .
الله ينور والى المزيد من التألق .
مودتى وتحيتى ...                                                              

ربنا يخليك استاذي العظيم
تسلم لي يارب
شكرا لمرور حضرتك الراقي وتعليقك الجميل

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب