أغلى الأوطان

موضوع: أغلى الأوطان الإثنين أبريل 07, 2014 12:28 pm

صباحك فل
ياست الكل
صباحك نادى يابلادى
و لا تخافى
انا بدالك اشيل الهم
يامصر ياعايشه جوايا فى مجرى الدم

مابين الرمش والننى ان شايلك

ووقت الشده انا جايلك ياعظم ام

عشان خاطرك ادوس ع الصعب واخطى
ده لا بخاطرك ولا بخاطرى
مانا ابنك

و انا طرحك

وانا الشمعه تنور ليكى يوم فرحك
و انا بايدى هشيل الدمعه من خدك
ولو مره جناحك مال

انا طيرك

هطير بيكى لاعلى مكان كما الفرسان
واطيب جرحك النازف بقاله زمان
ومش هسكت على حقك ولا حقى
ولا هرضى انا اكون واحد على الهامش
ومش هسمح اعيش جواكى يوم متهان

يابلدى ياعزى
والتاج اللى فوق راسى
انا مش ناسى يابلادى
ولا قاسى
انا ساكت صحيح يمكن
لكن جوايا احساسى

ومهما بعدت انا عنك
ومهما الغربه بعدتنى
اكيد بكره هيجى اليوم
على شطك هكون راسى

يامصر يامى والتاج الى فوق راسى

انا اسف

عشان مقدرتش افديك مع الثوار
لانى كنت متغرب
بدور على الهوا فى غيرك ولقمة عيش

مانا وجواكى راح خيرك
لكتر ناس كانم اشرار
وبح مفيش

لكن دورت ياما كتير و ملقيتش
رجعت وكلى شوق وحنين مخبيتش
ياوطنى ياجمل الاوطان انا عاشقك
واضحى عشان الاقى مكان هنا ف حضنك

ومهما بعدت انا عنك
ومهما الغربه بعدتنى
اكيد بكره هيجى اليوم
على شطك هكون راسى

اخوكم / محمد طلبه

تمنياتى ان ينال زجلى المتواضع اعجابكم ولكم يسعدنى الانضمام الى منتداكم المحترم

اخى الشاعر محمد طلبه
نص يوضح وطنية مغترب . ورغم الاغتراب إلا انه
مازال يحمل هويته المصريه وحبه لوطنه الغالى .
احييك على نبضك الوطنى الرائع .
مودتى وتحيتى ...

النص للتثبيت بواسطتى
تقديراّ للشعر والشاعر ...

هطير بيكى لاعلى مكان كما الفرسان
واطيب جرحك النازف بقاله زمان
ومش هسكت على حقك ولا حقى
ولا هرضى انا اكون واحد على الهامش
ومش هسمح اعيش جواكى يوم متهان

الرائع الأخ الشاعر محمد طلبة

قصيدة ولا أروع .. عبرت عنا نحن جموع المغتربين بكل سلاسة

وحس وطني جميل

مثل ايها الشاعر الرائع لا أرضي ولن يرضي شعب مصر ان يكون

علي الهامش بعد اليوم ويتسلط عليه من يقهره بالحديد والنار

لن يعيش شعب مصر مهان ابدا ..

ما أجمل قولك

انا اسف
عشان مقدرتش افديك مع الثوار
لانى كنت متغرب
بدور على الهوا فى غيرك ولقمة عيش

يالك من وطني رائع يعرف جيدا كيف يكتب قصيدة

تثير المشاعر الوطنية خاصة بيننا نحن المغتربين

أحييك وأشد علي يديك

» عز الأوطان
» وقائع من دفتر الأوطان شعر عماد على قطرى
» أغلى من حياتى
» أغلى الناس
» إلى أغلى الحبايب....