عيونك السمر

الحكاية أكبر من ورقة

ربطتنا أنا وأنتى طول العمر

وأكبر حتى من كلمة

بكت عيونك السمر

وأكبر من ألف قصيدة شعر

إتكتبت فى جمال ضحكتك

إتكتبت فى روعة رسمتك

إتكتبت فى خفة خطوتك

فى دلعك وسحر رقتك

الحكاية إن إنتى كل الحكاية

وإن قصة حياتك فى رأيي أجمل رواية

ويوم ما زعقتلك إفتكرتيها النهاية

يا عبيطة دا أنا عايز أقولك

إن ليل نهار من حنانك مش كفاية

بزعقلك من اللى عملتيه فيا

خليتى القلب تانى ينبض بحنية

يا أم ضحكة سمرا مفترية

قهرتينى بدمعتك ديه

طب أوصفلك بورقة وقلم

عرفتينى معنى كلمة ندم

فى قربك حياتى أعذب نغم

ومن غيرك عصرنى الألم

والله ما بجامل ولا بفاصل

بس فعلا حبك ملوش فاصل