ريحة حبيبتي

حبيبتي
.............................
لما الشتا
خش البيوت
الكل قفل البيبان
الكل خاف من لسعته
من إنه أعمى ومش بصير
إلا أنا
ماقفلتهوش
لاقلت جسمي بيترعش
حتى الغطا ماطلبتهوش
واقف وبضحك ع الخلايق كلهم
مافيهمش حد زيي أنا
مافيهمش قلب حبها
ريحة حبيبتي
في المكان
صوت حبيبتي
بيناديني للخروج
عند البيبان
أوقات ماكنا بنتفق
وكتير أوي كان إختلاف
بس إختلاف بعده لقى
وقت اللقى يحلى الكلام
يتولد مليون غرام
يتجلد مليون شيطان
تنهدم كل الحواجز كلها
نفس حبيبتي
زي ماهو بيناجيني
بيلاغي أنفاسي العنيده
حاكي لضي الشمس عن قصتنا
شاكى لضلمة ليل عن بلوتنا
قايل لكل الناس
إننا راجعين
لما المطر يملى الشوارع
فى الشتا
لما البيوت كل بيبانها تتقفل
لما جواسيس الهوى
يتغطوا بالبطانين
راجع أكيد تاني
لما الشتا
خش البيوت
زادت الأعاصير
الكل خاف
إلا أنا
واقف
فى انتظار ريحة حبيبتي
......................................
شاعر الاحساس
عبدالتواب الرفاعي

مرورك عليا شاعرنا الكبير
عادل عوض سند
وثناؤك علي فخر ووسام