أبو ضحكة جنان

ايه بس سر الدفا لما أبص فى عنيك

وايه بس سر الفرحة لما أكون حواليك

حتى لما تيجى على البال

الكون يضمنى فى صورة أغرب من الخيال

أعترفلك بيه إزاى

عشان نكشف مستقبل جاى

إزاى أقولك إنى دايب

وإنى بسببك نسيت كل الحبايب

إزاى أقولك إنك نور عنيا

وإنك إنتا أمل سنينى الجاية

يا أبو ضحكة ملهاش حل

بالله عليك وصلنى لحل

سنين كاملة والقلب عمره ما مل

قولى كلمة أو حتى شاور

دا القلب جوة مليان مشاعر

وأنا فى حبك مستعد أغامر

وأصدح بيها فى كل مكان

بعشق حبيبى أبو ضحكة جنان

كلمات رقيقة و معبرة يا أستاذ مصطفى و لكن ننتظر منك المزيد و المزيد من الاتقان لاسيما العروض يا صديقي ..

أعجبني استخدامك للفعل " أصدح " فهو يشي بثقافة لغوية متميزة .

محبتي و احترامي

أشكر الإدارة جزيل الشكر ومنتظر العودة

أشكرك أستاذى عاطف عبد العزيز الحناوى على مرورك الكريم وأتمنى منك متابعة مواضيعى وإرشادى دائما