ضريبة

موضوع: ضريبة الإثنين مارس 10, 2014 7:57 am

خلاص مبقتش يوم قادر أنا مهاجر

ما ليش عندكم حوجه

وداع ياكل أحبابى

ودمعى على الخدود صابى

وداع يابلادى ياعوجه

قفلتى يا مصر أبوابي

هسيبك والله على عيني

فراقك كسر لسنيني

ولكن ليه أسبابى

أداوى الجرح فى شبابى

ده لو باقى حداكى العمر

هسيبك والله على عينى

معدش بأيدى فيكى الامر

تعبت غلبت أداويكى

أداديكى.. تعملينى بقسوة وقهر

خلاص كرهت فيكى الفقر

أنا مهاجر

ورايه رفعتها بحماس

كفاية ياعمنا إفلاس

أنا مهاجر

أهج أضيع أتوه أحتاس

هتفرق إيه ... منا منداس

وعادي لو هعيش منسي

عشان يا بلادي تتأنثي

وتبقي تمام

ولا يهمك أعيش تعبان

ما دام الباشا موش خسران

وقري وفرضي فيها

صكوك غفران

وعبي من عرق شقيان

وماله ..

بركي فاتورة تكفيكي

وإيه عـ الوِحدة يرضيكي

وسُحتك كم ؟

لكن قبله تسوميني

تحسبيني

عن الغربية

وعن شوقي اللي كاويني

وشكل الميّة والتربة

وحسبيني عن الأحباب

خواتي وأهلي والأصحاب

وبكم راح تشتري مني

حضن ( محمد ) الدافي ؟

ولعّبه بين إيديه دول

وتنطيطه على اكتافي

ولذّة عضّة من سنان لبني

أقوله بعدها يا أبني

كفاية وبح

يقول لي بالعيالي يَـــــح

وكم تسعيرت الضحكة

من شفيفه الحلوة تشفيني ؟

وكم راح تدفعي تاني

لو يزود بوسة فـ جبيني ؟

يدلعني ويرويني

كأنه نهر

بكام راح تشتري يعني

مرار القهر ؟!!!

وليه ما تقدري بُعدي

عن الحجر اللي ربّاني !!

وشكل الدمعة في عينيها

ونبرة صوتها في وداني

( إلهي يحفظك يا ابني )

وترجع مصر تلقاني

وفين يا امّه يكون ده كلام

وأنا بتوضا بدموعي

وموتك آها في ضلوعي

وغُربة كل يوم خُسران

كمان يا امّه بيحسبوني

على الحرمان

وماله .

بسي لما أعود ...

تعالجوني في مستشفيات القوم

ومش عسكر تكن لي خصوم

ونفسي لما أفكر أنام

أنام في آمان

ولا أتهان عشان إخوان

يا عالم مرمطوا فيا

بضمير إنسان

محمود بسوني
10/03/2014
خارج مصر

موضوع: رد: ضريبة الإثنين مارس 10, 2014 10:25 am

أخي العزيز الشاعر / محمود بسيوني
عمل لا ينقصه إلا القليل
ليصير
إبداع متكامل
هناك بعض الكلمات التي لم استطع قرائتها
مثل -وقري وفرضي فيها-بركي فاتورة تكفيكي -وبعض الكلمات الأخري
وإن كان هذا لم يمنع من استمتاعي بهذا البوح العذب
في انتظار جديدك أخي

موضوع: رد: ضريبة الإثنين مارس 10, 2014 5:11 pm

والله واحشنا يا صديقي العزيز ايه الغيبة دي كلها تحياتي وتقديري وودي

موضوع: رد: ضريبة الثلاثاء مارس 11, 2014 1:44 am

عماد عبد الحكيم كتب:: أخي العزيز الشاعر / محمود بسيوني
عمل لا ينقصه إلا القليل
ليصير
إبداع متكامل
هناك بعض الكلمات التي لم استطع قرائتها
مثل -وقري وفرضي فيها-بركي فاتورة تكفيكي -وبعض الكلمات الأخري
وإن كان هذا لم يمنع من استمتاعي بهذا البوح العذب
في انتظار جديدك أخي

اخي الحبيب الشاعر القدير الاستاذ عماد عبد الحكيم

لك مني خالص الشكر والتقدير لاهتمامك فى قراءة النص وملاحظاتك فى محلها
وهذا دأبي فى كتابة النصوص ( لا أحسن الأملاء فيها )
أما عن الكلمات التي لم تستطع قرائتها
فانا حين أكتب العامية أكتبها كما أنطقها لا كما ينبغي أن تكبت
فعن ( قري ) اقصد بها أقري من الأقرار
وكذلك ( وفرضي ) أي أفرضي فيها ( أى افرضي على شعب مصر تلك الصكوك ....
وعن ( بركي ) باركي من المباركة
و( فاتورة تكفيكي ) لا اعلم لها كتابة غير فاتورة ربما تقصد كسرة الكاف بدل الياء ( تكَفيكِ )

أرجو ان أكون وضحت لك والتمس لي عزري فى ذلك
أشكر جدا مرورك أخي الكريم وياريت تذكر الكلمات الأخرى حتى يتم التصحيح والتوضيح
شكرا لك

موضوع: رد: ضريبة السبت مارس 15, 2014 6:49 am

أحمد رجب معيط كتب:: والله واحشنا يا صديقي العزيز ايه الغيبة دي كلها تحياتي وتقديري وودي

أخي وحبيب الغالي الشاعر الجميل احمد رجب معيط والله انت اللي وحشني يا صديقي العزيز لا حرمنا الله منك

شكرا لمرورك الكريم اخي احمد

موضوع: رد: ضريبة الإثنين مارس 31, 2014 12:46 pm

عتاب { رقيق } لمصر وتأنيب بشفافيه { مقصوده }
احييك على نصك اخى محمود
مودتى وتحيتى ...