الدنيا قهوة

الدنيا قهوة بألف نادل
والبشر فيها الزباين
يوم بتدبح ف العنادل
ويوم بترمح ف الجناين

نادى عليا الشيف بتاعها
إيه حتطلب يا جدعها ؟
حق زور قهوة سادة
تطلب علاها أو بدعها

ممكن تجيب لي لحمة نية
ما المرارة مستوية
فرقوا الآهة علينا
واﻷوهام قالوا هدية

عبوا موتنا في إزازة
والمرار أخر لذاذة
هات لي شفطة وأنت شفطة
ده الفقير ده مالهش عازة

والحساب يوم الحساب
كل سكة وراها باب
الظالم لم الغنايم
والمظلوم جاله آكتئاب

هي دنيا زي قهوة
يوم بتكره يوم بتهوى
الذكي يضربها صرمة
والغبي يملاها نشوى