تعيشى يامصر

تعيشى يا مصر

وعمرك
ما بخلت بضى
ولا ضمّيت كفينك
وقلت مافيش
وهبت الكل من خيرك
وحضنك دافى
من يومك
عناقيدك
تشد الحى يطلع فوق
يجيب الشمس تركع
تحت اقدامك الغاليين
يا أم لكل متوضّى
يا ضل حنون
طيورك عارفة سكتها
وزوّادك يا عينى عليه
معانا فاسك الطاهرة
ودعواتك نلم الشمل
نتوصّى ببعضينا
فى قرية عشنا
ومدينة
مدينة
ليك أيادينا
بكل جميل
ما بين هدمة
غموس
لقمة
أو زغرودة حدوتة
إذا ما رميتى
جابت الضحكة
أو زاحت لبره أنين
تعيشى وكلنا زرعك
ومن صدرك نرضع الحكمة
وكل ما نعلى
أو نكبر
تكبر ليك أحلامنا
وشاورى لينا
نفديك
تلاقى الكل بيصلّى
وبيملّى وصيته الاخرة
وبيغنى
تعيشى يا مصر