حافظ على وطنك " رباعيات " للجابري / مصطفى هاشم
في أول القول والحكاوي
صلوا على طه الرســـول
دينـــنا لازمه حد كــاوي
يكــوي جرحنا بالأصـــول
" " " "
مـدام كرهـــــنا بعضينــا
ايـه لــــزومه القـــلب أيه !
بيعـنا المودة و عضيـنــا
فالقــــلب جف الحـب فيه !
" " " "
قلبي فيا مالـــهش لازمه
إدوني قلب يكــون حجـــر
أضـرب ف قلبه ألف جـزمه
إن حس يــــوم زي البشر
" " " "
قلبي مش حمل الخصـام
وأنا بقـــــدم السبت وحــــد
خدوا قلبي هاتو قلب خــام
وكــــرهــوه في أي حـــــــد
" " " "
صعب أنا أتحمـــل خطاكم
مستحيل أكــره أخــــــويا
بيدي أمســـح ليه خُطاكم ؟
وأتهــم فيــها بن أبــــويـا
" " " "
هاتوا قلب مكنش شاعر
بالمحبـــة أو الأمـــــــــان
ركبوه في جسم شاعر
قلبه عامر بالإيمــــــان
" " " "
علموه يكـــــدب ويكــتب
بالحـــــروف الأبجــــــديه
بس قبل ما حرف يكــتب
علموه يعيش هفيــــــة !
" " " "
الدين ما قالش إنك تموت
بيد مجنــــــد زوج لبِتــك
الشـــهادة في أي مــوت
للي يموت حامي لبيتك
" " " "
دين محمد مش مساومة
لللي يــدفع فيـــه زيــادة
دين محبة مش مقـــاومة
تشــوه في صورة العبادة
" " " "
دين سلام وقت السلام
والإعتصام فيه بالمحبـة
بدلتُ ليه معني الكــــلام
وقولتُ كل الطرح حبة
" " " "
شجرة التــــوت العفيــة
كل عــــام تطـرح قناطر
واللي عاش عمره هفيه
عمره ما يـزور القناطر
" " " "
شجرة الـدين فرع ثابت
والرسول عودوه شديـد
ياما حـــــذرنا يا ثابت
نـــكر الجهــل الجــديد
" " " "
بينكـــر إن الله خلــقـــنا
أمة واحدة في الأساس
وينسب لإسلام خـالقنا
لفرقة ضـلت بعـض ناس
" " " "
الأساس في الدين عيادة
رحمة تـشفي أرض رحبـة
وإحنــا دينـــنا دين عــبادة
والرسول مرسول برحمـة
" " " "
قلتوا شيعي و قالوا وهبي
ولا حد بالإســـلام موافق
عندي أرحـم هيــفا وهبي
من سماع الشيـخ منافق
" " " "
قلتـــوا إن الجيش حــرام
والوطـــن ده مش أمانــه
ضيعتوا فيـــــنا الإحتـــرام
قول النبي ردوا الأمـــانة
" " " "
والأمـــــــانة إنــك تعـــيش
وآنت جندي رمـــز نصـــر
من حـــلايب للعـــــريش
ف كل حتة تحمي مصــر
_____________________
كلمات مصطفى هاشم الجابري
الأحد نوفمبر 17, 2024 9:53 pm من طرف 
موضوع: رباعيات ( الفائزة في فبراير2014) 
