وافترقنا مرة تانى

وافترقنا مرة تانى

بعد ما جمعتنا صدفة

صدفة كانت حلوة لكن

كنت حاسس بيكى خايفة

خايفة حد يكون شايفنا

ولاحد يكون عارفنا

واتداريت انا وانتى حبة

نحكى على الشوق والمحبة

الى كانت يوم مابينا

بس كان باين عليكى

خايفة حتى يشوفو طيفنا

بس ليه الخوف ماليكى

والقلق باين عليكى

واما جيت اسال بكيتى

بالدموع فاضت عنيكى

قولى بس احكيلى مالك

يا حبيبتى ايه جرالك

انتى ندمانة انتى شوفتك

ولا مش عاجبك لقائنا

قولتى ازاى بس هازعل

دانتا بمجرد مرورك

قولت لا انا لازم انزل

لاجل ما اطمن عليك

لاجل ما اتملى فى عنيك

قبل مارحل

والقدر يكتب فراقنا

ترحلى ازاى مين هيسمح

عمرى ما اقبل

لو رحلتى انا لازم ارحل

قولتى لا مش هاينفع

لما ارحل

مش هاينفع تانى ارجع

هيا ديه المرة الاخيرة

هوا دة اخر لقائنا

من يومين كتبو كتابى

على ابن عمى

بابا وافق غصب عنى

قافل الابواب عليا

والى بتهون عليا

هيا بس حبيبتى امى

وانتى بس ازاى قبلتى

غصب عنى شوفت خبتى

بابا حالف100 طلاق

غير ابن عمك مش هاتخدى

واتفقنا

خلاص هنهرب

واما انا حكمت عقلى

شوفت غلطى

والى ما اقبلهوش عليها

بردو ما اقبلوش على اختى

اتصلت عليها قبل ما يقرب ماعدنا

واعتذرت

وفى النهاية

كان لقائنا سبب فراقنا

الاستاذ الكبير والشاعر المبد المتميز القدير


الفنان / عادل عوض سند


اسعدنى وابهجنى مروركم المشرف


وردكم المعسول


دمت مبدعا متالقا


دمت بكل الحب