صوّت صوّت عالدستور بعد التعديل

صوّت صوّت عالدستور
وامشِ برجلك عالمقتول

جمله وقلها كيان معزول
كل نظامو كلام معسول

العب غيرها يا وِلْد الغول
دا احنا شبعنا شعار مفصول

ياللي بتبكي على المقتول
ليه بتصوّت للدكتور

ليلة امبارح واخد دور
ولا نقابتو دي خارج سور

يلا يشعبي انزل مسرور
صوت كيفك عالدستور

روح للصف وخدلك دور
رأيك قولو بكل حبور

واخدم بلدك وامحِ شرور
عمر الفوضى ماتبني قصور

ولا السّبّ هيدْمِي بحور
قالها زمان عالم منصور

كل مظاهره وراها البور
فيها الفتنه تموج وتمور

شيلنا الريّس جبنا الريّس
شالوا الريّس والدستور

حالنا اتغير طبعا لأسوأ
فوضى وهرج وسبّ دهور

صوّت صوّت عالدستور
ممكن بكره يجينا النّور

وتْعِشْ بلدي في أزهى عصور
احنا بنسعى وربّي غفور

اصحى يمصري وعش بثبات
واوعى تغرك الاستكرات

بكره تشوفهم في انتخابات
برلمانية وجمعيات

بينفسونا رجال وبنات
دول عَيْشِنْها بالشّعارات

بقلم /عبدالعزيز المنسوب

كتب أستاذنا الحبيب / طارق منيب
عيب ياأستاذ عبد العزيز

الصوات ده للستات

هههههههههههههههه

جميل كالعادة وأضحكتني

في عكس الصورة المأساوية الكاريكتيرية اللي أحنا عايشينها

أديبنا المبدع / طارق منيب
مرورك أسعدني كثيرا فهو بمثابة اعتماد للنص
وشكرا على مزاحك معي فقد خفف بعض منغصات الحياة
كل التقدير والاحترام

عبدالعزيز المنسوب كتب:: كتب أستاذنا الحبيب / طارق منيب
عيب ياأستاذ عبد العزيز

الصوات ده للستات

هههههههههههههههه

جميل كالعادة وأضحكتني

في عكس الصورة المأساوية الكاريكتيرية اللي أحنا عايشينها

أديبنا المبدع / طارق منيب
مرورك أسعدني كثيرا فهو بمثابة اعتماد للنص
وشكرا على مزاحك معي فقد خفف بعض منغصات الحياة
كل التقدير والاحترام

والله ياأستاذ/ عبد العزيز محتاجين للبحث عن المزح والضحك

في زمن الغم والهم .. وكل شئ حوالينا يقرف للأسف الشديد

سعيد أني ضحكتك في ومن الهم والغم والدستور

» صوّت صوّت عالدستور
» أخر حجر...بعد التعديل
» ثورة أمل بعد التعديل
» قصيدة (بعد التعديل )
» أعتذار للقدس بعد التعديل