ارحـــــلي عني
,,,,,,,,,,,,,,,,,,,,,,,,,,,,,,,,,
وأيه يعــــــني لو باعـــت
ما باعت قبلها غيـــــــرها
وآنا زي البـــحر صـــــــامد
وموجة تروح يجي غيــرها
أنا اللي صنعتها بشــــوقي
وشوقي يكفي ميت غيرها
حغيــــرها مــــدام باعـــت
وحشتري لي أمل غيـــرها
-------------------------
قولولها تنسي أشــــواقي
وتنسي ضعفي في فراقي
تموووت هي وآنا البــاقي
قصيدة وينـــكتب غيــرها
قولولها لسه فيه الـــــروح
وقـــادر يجـــــري لو مدبوح
وجرحك قبله يامه جـــروح
عدد شعـــــرك تحمــــلها
---------------------
وأيه يعني انتِ أخر حد
ماقبلك ياما شاف أوجاع
دا يامه السيف عليه تحد
ولا اتألم في يوم ولا جاع
وقد الجــرح كان الحـــد
بيتــحدد مع الأوجــاع
وكان راجل ما زيه حد
جراح الدنيا حـــاملها
----------------------
وأيه يعني أمــــل بيضيـــع
أمـــل تاني ومهــــوش أول
متفـــــرقش كتيــر عـنده
وكــان بايــن مــــن الأول
حكاية تجــــر في حكــاية
ونفس الطعنة تتحول
ويرجع تاني للمكـــــاتب
ويكتبها على الأول
--------------------
أنا زي البـــحرلو هـب
في موجــه بس يتـــــغير
وزي ما قلبــــي حب و حب
أكيــد هيحب ويغـــــــــير
وأيه يعني انت لو بعــتي
ما نفـــس الطعم لو مـــــرر
أديــكي دوقــــتي وشبــعتي
في قصة حب متـــــــكرر
--------------------------
حكايتك زيهـــا كانت
أمـل تاني نهايته يموت
وهــنتي زي ما هـــانت
نهايتكم في قلبي مــوت
وانا باقي في أوراقــــــي
قصيدة حب موش حتموت
أنا باقي في أوراقــــــي
قصيدة حب موش حتموت
كاتبـها الدمع ف أحــداقي
وأنا بدمعــي غلبت الموت
فشكراً وارحـــــلي عني
لا أنا ميت ولا راح أموت
______________
قريباً .... mp3
مصطفى هاشم الجابري .
,,,,,,,,,,,,,,,,,,,,,,,,,,,,,,,,,,,
الأحد نوفمبر 17, 2024 9:53 pm من طرف 
موضوع: شكراً ارحلي عني 
