اه يا بلد

اه يا بلد
الجرح فيها مش ف الجسم
وموجود جوه القلب
بس مكتمه ع الخبر
وقايله انا كلى حديد وصلب

اه يا بلد
يال عايشه حياتك مسخره
وف ايامك حالتك متاخره
ومنتيش قدام معاهم
لكن راجعه لورا
ومقضياها بس فشخره

اه يا بلد
يال بتلفى وتدورى ع الفاضى
اصل ساقيتك مفهاش يقره
او حتى فيها ساقى
وارضك مش ليكى
وخيرك مش ليكى
وعقلك مش فيكى
ولما اتعرضتى ف مزاد
ملقوش ال يشتريكى

اه يا بلد
يال انقتل فيكى القتيل
ومحدش دارى
اصل مفيش دليل
وكترت الاشاعات والاوهام
ولكن البحث جارى

اه يا بلد
يال بايدك تاعبه روحك
وانتى مش واخده بالك
بايدك بتزودى نار لجروحك
وعمال يتلون حالك

اه يا بلد
مفهاش حاكم يحكم بالعدل
وف نفسه يقوى ايمانه بالله
ميبقاش لحكمه مليون جدل
او يكون مرتشى اوبيحب الحياه

اه يا بلد
فيها ال مات ارتاح
وال عايش ميت
واخر الكلام الصريح
عمر ما حيكون فيها حد
عايش كويس او بحال جيد

اه يا بلد
نايمه ع مخدتها والدوع ماليه عنيها
مش لاقيه ايد حنينه تطبطب عليها
او ابن صالح يبوس اديها

اه يا بلد
معتش فيها حاجه حلوه
او وش حلو بشوش
وماتت احلى غنوه
وفاضل ايه تانى فيها
كلو شفناه فايه تانى فيها
محنشفهوش
اه يا بلد
الشاعر
محمد على

الاخ الشاعر محمد على
تحيه طيبه لحضرتك
البلد والبلاد المجاوره حالها ربنا يعلم به ربنا يكشف الغمه عن الوطن بحاله
نعم دى حال الامه العربيه كلها
صح لسانك وصدق قلمك
دمت بخير وسعاده
***********

يامه خايفه ومتلجمه بلجام
بعينكي شايفه العمى قدام
ياامه مكلوبه ورى خمره مصبوبه
سكرانه من نوبه وانشنق صدام

شكرا لكم اخوتى
ع مروركم الكريم
اللسان عجز عن وصف كلامك
فتحياتى ومودتى للجميع
بنتعلم منكم اساتذتى تحياتى لكم
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك