التالته ..تابته

التالته....تابته
..................
مش جايلى نوم
وازاي أنام
والحرب دقت الطبول
والليل كاسي الكون ضلام
والغلابه ف إشارات المرور
منديل يابيه
لعبة حماده
والاوستراد زي الزراعي
مليان عيال
لابسين هدوم متقطعه
ومدمنين دخان عوادم سيارات
الست هانم
والباشا قافل الإزاز
وخبي ايدك جوه جوانتى الشقى
أحسن تلاقي نفسك ..متهم
إنك عميل
وخاين وطن
رغم عيشتك المهينه
والذليله
وعشان مش لاقى تمن الرغيف
عملت جسمك قطع غيار
بتبيعه بالقطاعي
راضي بنصيبك م القدر
عريانه فيك كل السلوك
متشوهه فيك المعالم
اخر شئ أتوقعه
تفضل جبان
خواف
راضي تعيش مملوك
حارس ديوان سيدك الملك
رغم الملك أجبن مما كنت أتصوره
سلم قصوره للوزير
والوزير باع القصور
واختارله عزبه محندقه
براها سور
وانت اللى حارسه يا حساله
يارزيل
ياأسوأ ماكنت أتصوره
ياجسم فيل
بعقل نمله
ياأرض بور
رمياها دوله
عايز تفوق
يلا معايا للميدان
نعمل محاوله
يمكن نجيب حق
كل الى راح دمه هدر
مصر العزيزة لى وطن
عايشه ف خطر
التالته تابته
والنزول المرة ديه
هيكون مخيف
مرعب أوي
الحق بلدنا من الغرق
اسجن بجد اللى سرق
اللى قتل واللى حرق
واطلق سراح المظلومين
جوة السجون فيه ياما منهم مظاليم
وفى كتير خانوا الوطن
اعمل لنفسك أجمل نهايه ف قلبنا
مانت السبب
انت اللى صحيت فينا ثورة
رجعتها م الي سرقها مننا
لكن تسيب حبة رواسب م الظلم
بحذرك
التالته تابته
......................................
شاعر الاحساس
عبدالتواب الرفاعي

جميلة يا عبده

دام الابداع

شكرا للجميل محمود بسيونى
والرائعاحمد رجب معيط

شكرا للاديب الشاعر عادل عوض سند