انتى الجميلة

أول مرة قلبى يحب بجد
أول مرة يخاف على حد
فى قصص حبى كلها كنت المخرج
وأنا اللى أختار النهاية والمخرج
دايمًا نفس كلمتين للنهاية
الحب ألم وقصتنا غلط من البداية
ياما بكلامى جننت قلوب
وياما برضه فطرت قلوب
وياما طلعت فى الكاملة كل العيوب
ولسه كلهم رهن إشارتى
لسه عايزين البطولة فى حكايتى
مستنين ولو ضحكة تعطف عليهم
أو حتى نظرة تهدى عنيهم
لكن قلبى عمره ليهم ما سلم
عمره ما فكر يتألم
وشفتك انتا قلبى نبض
والعرق شلال من كل الغدد
يعترى دا نبض مخرج ولا بطل
ولا نبض قلب من كتر القتل إتقتل
ولا دا حب مكتوبله برضه يتقتل
الملايكة عمرهم ما يتشافوا بشر
يبقى إنتا أكيد بشر
بشر بخدود مدهونة عسل
بضحكة تقتل هم وتكسر كسل
وأشوف الدنيا فى سواد عنيك
ورود تضحك حواليا وحواليك
وفى وسط العتمة يظهر نور عنيك
جريت عليك وقولتهالك
ومع إن كفك سابق لسانك
إلا إنى مشوفتش بنعومة صوابعك
و لا حتى برقة صوتك وحنجرتك
حنجرتك من الرقة مزروعة لوز
وصوابعك فى النعومة صوابع موز
بترجاك حن على دموعى
حن على قلبى الحزين جوة ضلوعى
حن نفسى أنام ليلة
دايمًا عقلى حاضن صورتك الجميلة
ومن وسط كل اللى عرفتهم
بعترف إنتى الجميلة