هامش أنا - كريم إبراهيم

قصيدة للشاعر كريم إبراهيم

هامش أنا
أنا لو عايش العمر كله أنجلد
بسياط ظروفي وقطر خوفي
يدوس عليا يهد فيا
يدور يدبح كل أحلامي اللي جاية
هفضل أنا
هي صورتي وهي رسمي
بس متشوح جراح
عايش أنا
على ضل فرع من الأمل
ساكن مابين أربع حيطان
جدراني أها متشققة
ومغرقاتني دمعتي وسط الألم
علشان أنا هفضل أنا
شباكي سلكة من الشباك
بيغربل النسمة اللي جاية بالجراح
ويطيح بأحلامي لبعيد
ويدخل التيار رياح
تجرد في عمري و تقلعه
من أرض مروية بعرق
حفنة قلق
عنوان حياتي وقسمتي
دي قلتي
مليانة صبر وخوف ودمع ويل وأه
وصويت ونبح ووولوله
متسلسلة كل الأمال
على قاعدة القلة الحزينة
اللي غرقانة في دموعها بتتصلب
على كل تجاعيده فملامحي بتتنحت
بإيدين ومن
إختار يبيع عمري من غير تمن
مكتوب على جبيني أنا
مرفوض يا مخلوق شكوتك
متهان وهاينة دمعتك
تصرخ ألم تنزف أنين
تبكي جراح هاتعيش حزين
هو القدر مقسوم كدا
ليلك بيحبي بالخطاوي الدبلانين
تايهة فسكة مفرقة قمره ونجومه للابد
شخ وهدد
فجدار فؤادي مصدعين أحلامي ليه
تحت الشراع اللي إنفتل
واتعرى جسمي للالم
أنا كنت فاكر إن أنا
فجر الأمل راح أغزله
بقلمي ومبادئي
والنصيب اللي إتوعد قلبي بهواه
قلمي الضعيف سنه إتقصف
مش من كلامي
اللي كانت فيه حروف قوتها تتقتل كل أشباح المظالم
قلمي إتقصف
علشان ورقتي كانت حجر
صمه وبكمة مسفلته فسطورها ألوان الخيانة على الملاء
خلت وريد حلمي إتحرق
أما معاني مبدئي إتحرفت
وإتجرجرت
على شوك ومسموم في السنين
إحساس مهين
إما النصيب اللي إنوعد قلبي بهواه
خدعوني طيبته ودمعته
صدقته من دون البشر
وبنتله جوايا الأمل
سكنته وادي بين وريد
قلبي اللي كان حلمه الوحيد
يحبي على صراط دمعته
يطوي إهانته بالسكوت
مكبوت يا حلمي بين ضلوعي
ومتنفي أه يا أمل
على شط في جزيرة عذاب
مستوطنة بجيوش أهات
متلحنة على عود حزين
أوتاره شرايني أنا
حزمة ضنا
عايشة في دمي مهددني كل لحظة بالفشل
هامش أنا
وبموت وأنا
عايش كما ورده حزينة في الخريف
مدت إيديها للندى
بس الندى سافر في حضن الدومات
مبقاش يأيد الحياة معنى الخضار
بقى يقتل البسمة في ربيعها
ويكتمل جسم الجراح في المهد
ويطرح شقى
مترشقة
في ضلوعي إسم إنهيار
أنا قلبي خارطة للفنى
مرسومة بالخوف و المرار
وحدودها بحر من الندم
الليلة فيها بدون قمر
سودة بلون عمري أنا
والشمس طلقها النهار
لمت خطاوي ضلها
واخدة الإبتسامة
راحت ومش راجعة بسلامة
يا خسارة يا قلبي أنا
ملقتش مخلوق يفهمك
وتحس وياه بالأمان
أصل إنت طيب
واللي طيب في الزمن ده ملوش مكان

نادي أدب المنيرة العربية

استاذ شريف العجوز
شكرا على هذا الإهداء الجميل
لشاعر جيد ..
مودتى وتحيتى ...

» الورد يحلم بالسفر ديوان شعري بالفصحى لـ إبراهيم خليل إبراهيم
» حديث القلم كتاب جديد للأديب الصحفى إبراهيم خليل إبراهيم
» قراءة فى نصوص إبراهيم خليل إبراهيم .. بقلم / هشام أيوب موسى
» تحية طيبة لهذه الفتاة إبراهيم خليل إبراهيم / حرية عبد السلام
» روضة القلب إصدار جديد للأديب الصحفى إبراهيم خليل إبراهيم